खुला केन्द्रिय सदस्यमा लुम्बिनीका सात नेता शीर्ष ३५ भित्र

राजनीति

गृहपृष्ठ
राजनीति
खुला केन्द्रिय सदस्यमा लुम्बिनीका सात नेता शीर्ष ३५ भित्र

खुला केन्द्रिय सदस्यमा लुम्बिनीका सात नेता शीर्ष ३५ भित्र

आइतबार, पुस ४, २०७८ बागेश्वरी पोस्ट

नेपालगञ्ज । नेपाली कांग्रेसको १४औं महाधिवेशन अन्तर्गत् ३५ खुला केन्द्रिय सदस्यहरुको मतगणना जारी छ । गएराती अबेरसम्म करिब आधा मत गणना भएको थियो । विहान ११ बजेदेखि फेरि गणना थालिएको छ । अहिलेसम्मको अवस्था हेर्दा लुम्बिनीबाट खुला केन्द्रिय सदस्यमा उम्मेदवारी दिएका सात जना नेता शीर्ष ३५ भित्र अटाएका छन् ।

गृहमन्त्री रुपन्देहीका बालकृष्ण खाँण १५०७ मतका साथ तेस्रो स्थानमा छन् । उनी देउबा समूहबाट उम्मेदवार भएका हुन् । यसअघिका पनि केन्द्रिय सदस्य एवम् पूर्व मन्त्री दाङका दीपक गिरी ११७४ मतका साथ २०औं नम्बरमा छन् भने पूर्व मन्त्री एवम् सांसद बर्दियाका सञ्जय गौतम १००१ मतका साथ २५औं नम्बरमा छन् । गिरी र गौतम कोइराला समूहबाट उम्मेदवार भएका हुन् । कोइराला समूहबाट उम्मेदवार बनेका राष्ट्रिय योजना आयोगका पूर्व उपाध्यक्ष प्युठानका डा.गोविन्द पोखरेल ९६२ मतका साथ २६औं नम्बरमा छन् । यस्तै देउबा समूहबाट चुनाव लडेका बर्दियाका डा.गोपाल दहित पनि ९३१ मतका साथ २८औं नम्बरमा छन् । लुम्बिनी कांग्रेस संसदीय दलका नेता कपिलबस्तुका विरेन्द्र कुमार कनोडिया ९१९ मतका साथ ३१औं नम्बरमा छन् । उनी पनि देउबा समूहबाट हुन् । आमन्त्रित केन्द्रिय सदस्य एवम् पूर्व सांसद कृष्णकिशोर घिमिरे ९२९ मतका साथ २९औं नम्बरमा छन् । घिमिरे देउबा समूहबाट चुनाव लडेका हुन् । नेविसंघका पूर्व महामन्त्री रोल्पाका मनोजमणि आचार्य भने शीर्ष ३५ भित्र पर्न सकेका छैनन् । अहिलेसम्मको गणनामा उनी ८५४ मतका साथ ३८औं नम्बरमा छन् ।

निर्वाचन समितिले दिएको जानकारी अनुसार राती अबेरसम्म गणना भएको २३९३ मतमा डा. शशांक कोइरालाको अग्रता कायमै छ । उनी एक नम्बरमा छन् । सभापति शेरबहादुर देउबा र नेता डा.शेखर कोइराला दुबैको प्यानलमा परेका कोइरालाले भारी मतका साथ अग्रता कायमै राखेका छन् । दोस्रोमा एनपी साउद, तेस्रोमा बालकृष्ण खाँण, चौथोमा रमेश लेखक र पाँचौमा उदयशमशेर राणा छन् । उनीहरु सबै देउबा प्यानलका उम्मेदवार हुन् ।

त्यस्तै शंकर भण्डारी, ज्ञानेन्द्र बहादुर कार्की, रामहरि खतिवडा, अर्जुननरसिंह केसी र गोपालमान श्रेष्ठ टप टेनमा परेका छन् । केसी कोइराला समूहका उम्मेदवार हुन् भने बाँकी सबै देउबा प्यानलका हुन् । शीर्ष २० मा रामशरण महत, बलबहादुर केसी, दिलेन्द्रप्रसाद बडु, दिपक गिरी, गोविन्द भट्टराई, जिपछिरिङ लामा, तरुण दलका अध्यक्ष जितजंग बस्नेत, नेविसंघका पूर्व अध्यक्ष नैनसिंह महर लगायत छन् ।

यस्तै गुरु बराल, नेविसंघ अध्यक्ष राजीव ढुंगाना, कुन्दनराज काफ्ले, गोविन्दराज पोखरेल, सञ्जय गौतम, अजयबाबु शिवाकोटी, कृष्णकिशोर घिमिरे, सुरेन्द्रराज पाण्डे, सुनिल बहादुर थापा लगायत शीर्ष ३५ भित्र छन् । ३५ मध्ये २५ जना देउबा समूहका, ९ जना कोइराला र १ जना दुबै समूहमा परेका उम्मेदवार छन् ।

३५ केन्द्रिय सदस्यका लागि खुलामा ९९ जना उम्मेदवार छन् ।
मत विवरण यस प्रकार छः

No description available.