कांग्रेस खुला केन्द्रिय सदस्यको मतगणना सम्पन्न, हेर्नुस ३५ भित्र परेर को-को विजयी भए

राजनीति

गृहपृष्ठ
राजनीति
कांग्रेस खुला केन्द्रिय सदस्यको मतगणना सम्पन्न, हेर्नुस ३५ भित्र परेर को-को विजयी भए

कांग्रेस खुला केन्द्रिय सदस्यको मतगणना सम्पन्न, हेर्नुस ३५ भित्र परेर को-को विजयी भए

शशांकलाई सर्वाधिक लोकप्रिय मत

आइतबार, पुस ४, २०७८ बागेश्वरी पोस्ट

सर्वाधिक लोकप्रिय मत पाएका डा.शशांक कोइराला

नेपालगञ्ज । नेपाली कांग्रेसको खुलातर्फको केन्द्रिय सदस्यको अन्तिम मत परिणाम सार्वजनिक भएको छ । ९९ जना उम्मेदवार रहेको खुलामा ३५ जना निर्वाचित भएका छन् । हिजोदेखि विहानदेखि शुरु भएको मतगणना आज साँझ सकिएको हो । खुला केन्द्रिय सदस्यमा डा.शंशांक कोइराला सर्वाधिक लोकप्रिय मतका साथ निर्वाचित भएका छन् । सभापति शेरबहादुर देउबा र नेता डा.शेखर कोइराला दुबैको प्यानलमा परेका कोइरालाले ३८३६ मत पाएका छन् ।

यस्तै एनपी साउद, बालकृष्ण खाँण, उदय शमशेर राणा र रामहरि खतिवडा शीर्ष पाँचमा पर्दै केन्द्रिय सदस्य बनेका छन् । रमेश लेखक, शंकर भण्डारी, ज्ञानेन्द्र बहादुर कार्की, जिपछिरिंग लामा र अर्जुननरसिंह केसी शीर्ष १० मा पर्दैै केन्द्रिय सदस्य बनेका छन् । गोपालमान श्रेष्ठ, जितजंग बस्नेत, नैनसिंह महर, सुनिलबहादुर थापा, डा.रामशरण महत, दिलेन्द्र प्रसाद बडु, मोहनबहादुर बस्नेत, बलबहादुर केसी, गोविन्द्र भट्टराई र कुन्दनराज काफ्ले शीर्ष २० मा परेका छन् । यस्तै दीपक गिरी, सुरेन्द्रराज पाण्डे, पद्मनारायण चौधरी, गुरु बराल, डा.गोविन्दराज पोखरेल, राजीव ढुंगाना, सञ्जय गौतम, मदनबहादुर अमात्य, अजयबाबु शिवाकोटी र गणेश लामा शीर्ष ३० मा पर्दै केन्द्रिय सदस्यमा विजयी भएका छन् ।

उमेशजंग रायमाझी, दिनेश कोइराला, कृष्णकिशोर घिमिरे, डा.गोपाल दहित र मोहन आचार्य पनि ३५ भित्रै परेर केन्द्रिय सदस्य बनेका छन् । देउबा समूहबाट उम्मेदवारी दिएका २५ जना, कोइराला समूहका ९ जना र एक जना दुबै तर्फको लिष्टमा परेका डा.शंशांक केन्द्रिय सदस्यमा निर्वाचित भएका छन् । अर्जुनरसिंह केसी, रामशरण महत, बलबहादुर केसी, दिलेन्द्र प्रसाद बडु, दीपक गिरी, गोविन्द पोखरेल, सञ्जय गौतम र दिनेश कोइराला कोइराला समूहका उम्मेदवार हुन् भने बाँकी सबै देउबा समूहका हुन् । खुला केन्द्रिय सदस्यमा कोइराला समूहबाट उम्मेदवारी दिएका पत्रकार (नेपाल प्रेस युनियनका महासचिव) शिवाकोटी पनि विजयी भएका छन् ।

हेर्नुस् कसले कति मत पाए-

No description available.