कांग्रेस खुला केन्द्रिय सदस्यमा लुम्बिनीका ६ जना विजयी

राजनीति

गृहपृष्ठ
राजनीति
कांग्रेस खुला केन्द्रिय सदस्यमा लुम्बिनीका ६ जना विजयी

कांग्रेस खुला केन्द्रिय सदस्यमा लुम्बिनीका ६ जना विजयी

देउबा र कोइराला पक्षका ३/३ जना

आइतबार, पुस ४, २०७८ बागेश्वरी पोस्ट

नेपालगञ्ज । नेपाली कांग्रेसको खुला केन्द्रिय सदस्यमा लुम्बिनी प्रदेशका ६ जना निर्वाचित भएका छन् । निवर्तमान केन्द्रिय सदस्य एवम् गृहमन्त्री बालकृष्ण खाँणदेखि निवर्तमान केन्द्रिय सदस्य एवम् पूर्व सिंचाई मन्त्री दीपक गिरी केन्द्रिय केन्द्रिय सदस्यमा निर्वाचित भएका छन् । खाँण रुपन्देही र गिरी दाङका हुन् ।

३५ जना खुला केन्द्रिय सदस्यको सिटमा लुम्बिनी प्रदेशबाट प्रतिनिधित्व गर्ने ६ जना परेका हुन् । पूर्व सिंचाई मन्त्री एवम् सांसद बर्दियाका सञ्जय गौतम, राष्ट्रिय योजना आयोगका पूर्व उपाध्यक्ष प्यूठानका प्रा.डा.गोविन्दराज पोखरेल, निवर्तमान आमन्त्रित केन्द्रिय सदस्य दाङका कृष्णकिशोर घिमिरे र निवर्तमान केन्द्रिय सदस्य एवम् पूर्व भूमीसुधार मन्त्री बर्दियाका गोपाल दहित खुला केन्द्रिय सदस्यमा विजयी भएका छन् ।

यी मध्ये खाँण, घिमिरे र दहित देउबा समूहका उम्मेदवार हुन् भने गिरी, गौतम र पोखरेल डा.शेखर कोइराला समूहका उम्मेदवार हुन् । खाँण तेस्रो, गिरी एक्काइसौं, गौतम छब्बिसौं, पोखरेल सत्ताइसौं, दहित चौतिसौं र कृष्णकिशोर पुछारमा पैतिसौं नम्बरमा परेर विजयी भएका हुन् ।

हेर्नुस् कसले कति मत पाए
बालकृष्ण खाँण २८७९ (तेस्रो)
दीपक गिरी २२६५ (एक्काइसौंं)
सञ्जय गौतम १८६७ (छब्बिसौं)
गोविन्दराज पोखरेल १८४३ (सत्ताइसौं)
गोपाल दहित १७१० (चौतिसौं)
कृष्णकिशोर घिमिरे १७०७ (पैतिसौं)