कांग्रेसका सहमहामन्त्री राठौरले दिए सबै मतदातालाई बिशेष धन्यवाद

राजनीति

गृहपृष्ठ
राजनीति
कांग्रेसका सहमहामन्त्री राठौरले दिए सबै मतदातालाई बिशेष धन्यवाद

कांग्रेसका सहमहामन्त्री राठौरले दिए सबै मतदातालाई बिशेष धन्यवाद

समुन्नत र अनुशासित कांग्रेस बनाउँछु: सहमहामन्त्री राठौर

आइतबार, पुस ४, २०७८ बागेश्वरी पोस्ट

नेपालगन्ज । नेपाली कांग्रेसको १४औं महाधिवेशन अन्तर्गत खसआर्य तर्फबाट सहमहामन्त्रीमा निर्बाचित भएका किशोरसिंह राठौरले सबै मतदाताहरुलाई विशेष धन्यवाद ज्ञापन गरेका छन् ।

सभापति शेरबहादुर देउबा प्यानलका राठौरले डा. शेखर कोइराला प्यानलका देवराज चासिलेलाई पराजित गरेका हुन् । राठौरले २५७६ मत र चालिसेले २०५९ मत प्राप्त गरेका हुन् ।

निर्बाचित बने पश्चात् नबनिर्बाचित सहमहामन्त्री राठौले सबै ७७ जिल्लाका सभापति, देशभरीका क्षेत्रीय सभापति लगायत महाधिवेशन प्रतिनिधिहरुलाई बिशेष धन्यवाद दिँदै अबको कांग्रेस समुन्नत र अनुशासित बनाउने बताएका छन् ।

"नेपाली कांग्रेस छ र म छु" भन्ने सिद्धान्त बोकेका नेता राठौर नेपाल बिद्यार्थी संघका पूर्व अध्यक्ष समेत हुन् । लामो समयदेखि नेपाली कांग्रेसको राजनीतिमा होमिएका नेता राठौर पश्चिम नेपालकै एक अब्बल कांग्रेस नेताका रुपमा चिरपरिचित छन् ।

नेता राठौर सांसद समेत हुन् । उनको संगठनभित्रको लगनशील र इमान्दारिता देखेर देशैभरीका मतदाताले अत्याधिक बहुमतले सहमहामन्त्रीमा विजयी बनाएका हुन् । सहमहामन्त्री राठौरले कांग्रेसको हित र जितको लागि सबैलाई मिलाएर पार्टी बलियो बनाउनुपर्ने समेत बताएका छन् ।

प्रकाशित मिति: आइतबार, पुस ४, २०७८ २१:००

प्रतिक्रिया दिनुहोस्