प्रदेश २ को अधिबेशनमा देउवा र निधि पक्षबिच झडप, मतदान स्थगित

राजनीति

गृहपृष्ठ
राजनीति
प्रदेश २ को अधिबेशनमा देउवा र निधि पक्षबिच झडप, मतदान स्थगित

प्रदेश २ को अधिबेशनमा देउवा र निधि पक्षबिच झडप, मतदान स्थगित

बुधबार, पुस ७, २०७८ बागेश्वरी पोस्ट

नेपालगन्ज । नेपाली कांग्रेसको १४औं महाधिवेशन अन्तर्गत भएको प्रदेश नम्बर २ को अधिबेशनमा झडप हुँदा मतदान स्थगित भएको छ । जनकपुरमा जारी नेपाली कांग्रेस प्रदेश २ अधिवेशनमा निधि र देउवा पक्षका नेता कार्यकर्ताबीच झडप भएको हो । आजदेखि जनकपुरमा जारी प्रदेश अधिवेशनमा दुई पक्षबीच झडप भएपछि निर्वाचन शुरु नहुँदै स्थगित भएको हो ।

बिहानैदेखि मतदान हुने भनिए पनि दिउँसोसम्म मतदान शुरु भएको थिएन । राति मतदान गर्न नहुने भन्दै नाराबाजी गर्दै निधि पक्षका नेता तथा कार्यकर्ता उत्रिएपछि त्यसको प्रतिकारमा देउवा पक्ष नेता कार्यकर्ता पनि जसरी पनि मतदान हुनुपर्ने भन्दै उत्रिएका थिए । त्यसपछि दुवै समुहबीच झडप भएको हो ।

धनुषाका प्रहरी उपरीक्षक वसन्त रजौरेले प्रदेश सभापतिका उम्मेदवार बिच छलफल गराएपछि बिहीबार बिहान ८ बजेदेखि मतदान शुरु हुने जानकारी दिए । प्रदेशको नेतृत्व लिन प्रतिस्पर्धामा उत्रेका कृष्ण यादव र प्रदेश २ का भौतिक पूर्वाधार मन्त्री रामसरोज यादव प्रतिस्पर्धामा उत्रिएका हुन् ।

झडप र नाराबाजी जारी रहेपछि प्रहरीले दुवै पक्षका नेताहरूलाई वार्तामा बसाएको थियो । वार्तामा दुवै पक्षबिच भोलि बिहान ८ बजेसम्मका लागि मतदानको कार्यक्रम स्थगित गर्ने सहमति भएको छ ।

वार्ताबाट प्रदेशसभाका सभापतिका उम्मेदवार द्वय कृष्ण यादव र रामसरोज यादव बाहिरिएका छन् । उनीहरूले भोलिसम्मका लागि मतदानको प्रक्रिया रोकिएको जानकारी दिए ।

प्रकाशित मिति: बुधबार, पुस ७, २०७८ १८:४१

प्रतिक्रिया दिनुहोस्