कांग्रेस केन्द्रिय समितिमा दाङका पाँच जनाको प्रतिनिधित्व

राजनीति

गृहपृष्ठ
राजनीति
कांग्रेस केन्द्रिय समितिमा दाङका पाँच जनाको प्रतिनिधित्व

कांग्रेस केन्द्रिय समितिमा दाङका पाँच जनाको प्रतिनिधित्व

बिहीबार, पुस ८, २०७८ बागेश्वरी पोस्ट

दाङ । दाङका पाँच जना नेताले नेपाली कांग्रेसको केन्द्रिय कार्यसमितिमा स्थान बनाएका छन् । १४औं महाधिवेशनबाट पाँच जना केन्द्रिय सदस्य निर्वाचित भएका हुन् ।

पूर्व मन्त्री दीपक गिरी खुलाबाट केन्द्रिय सदस्य निर्वाचित भएका हुन् । उनी तेह्रौं महाधिवेशनबाट पनि केन्द्रिय सदस्य निर्वाचित भएका थिए । गिरी डा. शेखर कोइराला समूहबाट निर्वाचित भएका हुन् । यस्तै खुलाबाटै कृष्णकिशोर घिमिरे केन्द्रिय सदस्य निर्वाचित भए । निवर्तमान आमन्त्रित केन्द्रिय सदस्य घिमिरे सभापति शेरबहादुर देउवा समूहबाट उम्मेदवार थिए ।

देउवा समूहबाटै उम्मेदवार बनेकी स्वर्गीय नेता खुमबहादुर खड्काकी धर्मपत्नी शिला शर्मा खड्का पनि लुम्बिनी प्रदेशबाट केन्द्रिय सदस्य भइन् । उनी यसअघि मनोनित केन्द्रिय सदस्य थिइन् । देउवा समूहकै योगेन्द्र चौधरी पनि थारु खुलाबाट केन्द्रिय सदस्य बने । विजय गच्छदार कांग्रेसमा आउँदा फोरम लोकतान्त्रिकबाट उनीसंगै आएका चौधरी यसअघि मनोनित केन्द्रिय सदस्य थिए ।

पूर्व सांसद तथा पूर्व जिल्ला सभापति गेहेन्द्र गिरी पहिलोपटक केन्द्रिय सदस्य बनेका छन् । देउवा समूहबाट उम्मेदवारी दिएका गिरी खसआर्य खुलाबाट केन्द्रिय सदस्य बनेका हुन् ।

प्रकाशित मिति: बिहीबार, पुस ८, २०७८ २१:३५

प्रतिक्रिया दिनुहोस्