कांग्रेस प्रदेश २ को सभापति कृष्ण यादव निर्वाचित

राजनीति

गृहपृष्ठ
राजनीति
कांग्रेस प्रदेश २ को सभापति कृष्ण यादव निर्वाचित

कांग्रेस प्रदेश २ को सभापति कृष्ण यादव निर्वाचित

शुक्रबार, पुस ९, २०७८ बागेश्वरी पोस्ट

जनकपुर । नेपाली कांग्रेसको प्रदेश नम्बर २ को सभापतिमा कृष्ण यादव निर्वाचित भएका छन् । सभापति शेरबहादुर देउबा पक्षीय यादव १ सय ४१ मत अन्तरले प्रदेश सभापतिमा निर्वाचित भएका हुन् ।

आज बिहान सार्वजनिक मत परिणाम अनुसार यादवले ९९६ मत पाएका छन् । उनका प्रतिस्पर्धी रामसरोज यादवले भने ८५५ मत पाएका छन् । विमलेन्द्र निधिका उम्मेदवार रामसरोजलाई डा.शेखर कोइरालाको पनि समर्थन थियो ।

प्रदेश सभापतिमा निर्वाचित यादव नेपाली कांग्रेस रौतहटका सभापति हुन् । अर्का प्रत्यासी रामसरोज भने कांग्रेस प्रदेश नम्बर २ संसदीय दलका नेता तथा भौतिक पूर्वाधार विकास मन्त्री हुन् ।

१९ सय ३८ मतदाता मध्ये १८ सय ८१ मत खसेको थियो । ३० मत बदर भएको छ ।

प्रकाशित मिति: शुक्रबार, पुस ९, २०७८ ०८:५०