स्थानीय चुनाव वैशाख १४ गते गर्न सकिने निर्वाचन आयोगको प्रस्ताब

राजनीति

गृहपृष्ठ
राजनीति
स्थानीय चुनाव वैशाख १४ गते गर्न सकिने निर्वाचन आयोगको प्रस्ताब

स्थानीय चुनाव वैशाख १४ गते गर्न सकिने निर्वाचन आयोगको प्रस्ताब

शुक्रबार, पुस ९, २०७८ बागेश्वरी पोस्ट

काठमाण्डौ । निर्वाचन आयोगले स्थानीय तहको चुनाव आगामी वैशाख १४ गते गर्न सकिने प्रस्ताब गरेको छ ।

आज प्रधानमन्त्री शेरबहादुर देउवालाई भेटेर निर्वाचन आयोगका प्रमुख निर्वाचन आयुक्त दिनेश कुमार थपलियाले सबै स्थानीय तहको चुनाव ०७९ वैशाख १४ गते बुधबारका लागि तोक्न उपयुक्त हुने सुझाव दिएका हुन् । तर, कुनै कारण एकै दिन निर्वाचन गर्न सम्भव नभए पहिलो चरणको ०७९ वैशाख १४ गते र दोस्रो चरणको वैशाख २२ गते गर्न सकिने जानकारी प्रधानमन्त्रीलाई गराइएको आयोग स्रोतले जनाएको छ ।

कानुन बमोजिम स्थानीय तहको निर्वाचन आगामी ०७९ वैशाख महिनामा गर्नुपर्ने आयोगले जनाएको छ । स्थानीय तह निर्वाचन ऐन, २०७३ को व्यवस्था बमोजिम ०७९ जेठ ५ गते स्थानीय तहका पदाधिकारीहरूको पदावधि समाप्त हुने आयोगले जनाएको छ ।संविधानको धारा २२५ बमोजिम कार्यकाल समाप्त भएको ६ महिनाभित्र निर्वाचन गर्नुपर्ने व्यवस्था छ ।

कार्यकाल सकिएपछि स्थानीय तह सञ्चालन सम्बन्धि कुनै स्पष्ट कानुनी व्यवस्था नभएकाले स्थानीय तह निर्वाचन ऐन, २०७३ को दफा ३ बमोजिम कार्यकाल समाप्त हुनु भन्दा दुई महिना अगावै निर्वाचन हुनुपर्ने व्यवस्था रहेको आयोगले जनाएको छ ।

प्रकाशित मिति: शुक्रबार, पुस ९, २०७८ २०:००

प्रतिक्रिया दिनुहोस्