एमसिसी नेपालको हितमै रहेकाले अनावश्यक शंका नगरौंः प्रधानमन्त्री

राजनीति

गृहपृष्ठ
राजनीति
एमसिसी नेपालको हितमै रहेकाले अनावश्यक शंका नगरौंः प्रधानमन्त्री

एमसिसी नेपालको हितमै रहेकाले अनावश्यक शंका नगरौंः प्रधानमन्त्री

आइतबार, पुस ११, २०७८ बागेश्वरी पोस्ट

नेपालगञ्ज । प्रधानमन्त्री एवम् नेपाली कांग्रेसका सभापति शेरबहादुर देउबाले एमसिसी नेपालको हितमै रहेकाले अनावश्यक शंका नगर्न आग्रह गरेका छन् ।

नेकपा माओवादी केन्द्रको आठौं महाधिवेशनलाई आज काठमाण्डौमा सम्बोधन गर्दै देउबाले अध्ययन नै नगरी एससिसीको टिका टिप्पणी गर्नुभन्दा राम्रोसंग अध्ययन गर्न आग्रह गरे । उनले नेपालको कानुन मानेर दिन खोजिएको सित्तैको सहयोग लिनुपर्ने बताए । दलहरुका बीचमा थप छलफल गरेर एससिसी पारित गर्ने उनको भनाई छ ।

प्रधानमन्त्री देउबाले पाँच दलीय सत्ता गठबन्धन पूरै समय रहने बताउँदै आफ्नो चाहना त पछिसम्म पनि गठबन्धन कायमै रहोस् भन्ने धारणा राखे । उनले पाँच दलीय गठबन्धन कसैका विरुद्ध नभएर संविधान र संसद जोगाउने पुनित मनसायले बनेको जिकिर गरे ।

आफ्नो भाषणको क्रममा माओवादी केन्द्रका अध्यक्ष पुष्पकमल दाहाल प्रचण्डको खुलेरै प्रशंसा गरेका देउबाले प्रचण्डकै अगुवाईमा संविधानसभाको चुनाव भएर मुलुकले संविधान पाएको बताए ।

प्रकाशित मिति: आइतबार, पुस ११, २०७८ १८:४३

प्रतिक्रिया दिनुहोस्