एमालेसंगको एकीकरण गलत थिएन, किन भंग भयो, आत्मसमीक्षा गरौंः प्रचण्ड

राजनीति

गृहपृष्ठ
राजनीति
एमालेसंगको एकीकरण गलत थिएन, किन भंग भयो, आत्मसमीक्षा गरौंः प्रचण्ड

एमालेसंगको एकीकरण गलत थिएन, किन भंग भयो, आत्मसमीक्षा गरौंः प्रचण्ड

'हाम्रो प्रधानमन्त्रीजी कति मीठो बोल्न सक्या'

आइतबार, पुस ११, २०७८ बागेश्वरी पोस्ट

नेपालगञ्ज । नेकपा माओवादी केन्द्रका अध्यक्ष पुष्पकमल दाहाल प्रचण्डले एमालेसंग गरिएको पार्टी एकीकरण गलत नभएको बताएका छन् ।

आठौं महाधिवेशनलाई आज सम्बोधन गर्दै अध्यक्ष प्रचण्डले नचाहँदा नचाहँदै पनि एकीकरण किन भंग भयो भन्ने कुराको गम्भीर आत्मसमीक्षा गर्न जरुरी रहेको बताए । ए"मालेसँगको एकता कुनै गल्ती भएको होइन । स्थायित्व र समृद्धिका लागि एमालेसँग एकता भएको थियो," दाहालले भने, "यहाँ आउनुभएको शंकरजीले पनि एकता गल्ती भएको बताउनुभएको छ । त्यो बुझाई ठीक छ । तर एकता किन भंग भयो त्यस विषयमा हामीले महाधिवेशनमा समीक्षा गर्नेछौं । एमालेले पनि त्यसलाई समीक्षा गरोस् ।"

प्रचण्डले प्रधानमन्त्री एवम् कांग्रेस सभापति शेरबहादुर देउबाले गरेको सम्बोधनको प्रशंसा गर्दै देउबाले ठूलो स्टेटमेन्ट दिएको बताए । उनले भने-"देउबाजीले आज बडो सुन्दर बोल्नुभयो, सुन्दा सामान्य लागेपनि उहाँको स्टेटमेन्ट ठूलो छ, देउबाजीले इतिहासका विभिन्न कालखण्डमा यस्तै ठूलो स्टेटमेन्ट दिनुभएको छ," प्रचण्डले थपे-"हाम्रो प्रधानमन्त्रीले कस्तो मीठो बोल्न सक्या ।"

"बडो संक्षिप्त बोल्ने हाम्रो प्रधानमन्त्रीजी, आज बडो सुन्दर बोल्नुभएको लाग्यो । कस्तो मीठो बोल्न सक्या जस्तो लाग्यो," प्रचण्डले भने । उनले पाँच दलीय गठबन्धनलाई अझ बृहत्तर बनाएर अघि बढ्न पर्यत्न गर्ने बताए ।

प्रकाशित मिति: आइतबार, पुस ११, २०७८ १९:२४

प्रतिक्रिया दिनुहोस्