जन्ती बोकेको जिप दुर्घटना,५ जनाको मृत्यु

समाचार

गृहपृष्ठ
समाचार
जन्ती बोकेको जिप दुर्घटना,५ जनाको मृत्यु

जन्ती बोकेको जिप दुर्घटना,५ जनाको मृत्यु

मंगलबार, पुस १३, २०७८ बागेश्वरी पोस्ट

नेपालगन्ज । जन्ती बोकेको जिप दुर्घटना हुँदा ५ जनाको मृत्यु भएको छ । रौतहटको गौरबाट चन्द्रनिगाहपुरतर्फ जाँदै गरेको जन्ती बोकेको जिप दुर्घटना हुँदा ५ जनाको मृत्यु भएको छ भने २ जना घाइते भएका छन् ।

आज अपराह्न ४ बजेतिर भारतीय बीआर ०५पीए ६९५३ नम्बरको जन्ती बोकेको जिप दुर्घटना भएर ५ जनाको मृत्यु भएको जिल्ला प्रहरी कार्यालयले रौतहटले जानकारी दिएको छ । गरुडा नगरपालिकाको जयनगरमा जिप अनियन्त्रित भएर दुर्घटना भएको प्रहरीको प्रारम्भिक अनुसन्धानमा खुल्न आएको जिल्ला प्रहरी रौतहटले जनाएको छ ।

मृतक मध्ये ४ जनाको पहिचान खुलेको प्रहरीले जनाएको छ । दुर्घटनामा ज्यान गुमाउनेमा रौतहटको गढिमाइ नगरपालिका–३ का १६ वर्षका शेख नैवसाद, २२ वर्षका शेख सैनुल्हा, ५५ वर्षका मोसाफिर अन्सारी र २५ वर्षका शेख छोटु रहेको प्रहरीले जानकारी दिएको छ । घाइते २ जनाको स्थानीय अस्पतालमा उपचार भइरहेको प्रहरीले जानकारी दिएको छ ।

प्रकाशित मिति: मंगलबार, पुस १३, २०७८ १८:४७