को-को छन् बाँके कांग्रेसमा पदाधिकारीका आकांक्षी ?

राजनीति

गृहपृष्ठ
राजनीति
को-को छन् बाँके कांग्रेसमा पदाधिकारीका आकांक्षी ?

को-को छन् बाँके कांग्रेसमा पदाधिकारीका आकांक्षी ?

बुधबार, पुस १४, २०७८ बागेश्वरी पोस्ट

नेपालगञ्ज । पुष २७ गते नेपाली कांग्रेस बाँकेको जिल्ला अधिवेशन तोकिएको छ । जिल्ला अधिवेशनबाट जिल्लाको नेतृृत्वमा पुग्न सात जनाले दाबेदारी प्रस्तुत गरेका छन् । सभापति शेरबहादुर देउबा समूह (संस्थापन) बाट ६ जना र नेता डा.शेखर कोइराला समूह (संस्थापन इतर) बाट एक जनाले सभापतिमा दाबी गरेका हुन् ।

नारायण गौडेल कोइराला समूहका एक मात्र उम्मेदवार हुन् । उनले प्रचारप्रसार थालिसकेका छन् । गौडेल नेतृत्वको समूहले पदाधिकारीका उम्मेदवार पनि लगभग टुंग्याइसकेको छ । उपसभापतिमा गौडेल समूहबाट गोपालप्रसाद अधिकारी र राजकुमार मौर्यले उम्मेदवारी दिने भएका छन् । सचिवमा सुधांशु कोइरालाले उम्मेदवारी दिँदैछन् । दुई जना सचिव निर्वाचित हुने भएकाले अर्को एक जना सचिव भने टुंगिन बाँकी छ ।

त्यसका लागि गौडेल समूह छलफलमै छ । कृष्ण विके रसाइली र आशिष काफ्ले मध्ये कोही एक जना पनि सचिवको उम्मेदवार बन्न सक्ने सम्भावना छ । पूर्ण आचार्य पनि सचिवका सम्भावित उम्मेदवार हुन् । थारु समुदायकै कोही एक जना सचिवको उम्मेदवार हुन सक्ने सम्भावना पनि छ । सहसचिवमा रेणु सिंहको उम्मेदवारी पक्का छ । सहसचिवमा अर्को एक जना विश्व लम्साल हुन सक्ने बताइन्छ । पालिकाबाट जिल्ला सदस्यमा निर्वाचित हुने उम्मेदवारहरुको विषयमा पनि छलफल भइरहेको बताइएको छ ।

देउबा समूहमा सभापतिका धेरै आकांक्षी भएकाले कोही उम्मेदवारले पनि पदाधिकारीहरुको बारेमा बोल्न चाहेका छैनन् । यद्यपी सबै उम्मेदवार छलफलमै छन् । यो समूहबाट ६ जना सभापतिका आकांक्षी भएपनि दुई या तीन जना प्रतिष्पर्धामा उत्रिन सक्ने अनुमान गरिएको छ । सुरेन्द्र हमाल, बादशाह कुर्मी, निरन्जनसिंह सिजापति, राजकुमार बर्मा, सुनिलनरसिंह राणा र लक्ष्मीनारायण शाह सभापतिका आकांक्षी हुन् । यो समूहमा सभापतिका उम्मेदवार को-को बन्छन्, त्यसको आधारमा पदाधिकारीको उम्मेदवारी तय हुनेछ ।

अहिलेसम्म देउबा समूहबाट सुरेन्द्रनाथ सापकोटा, मेघराज ओली, निरज चलाउने, रुद्रबहादुर ओली पदाधिकारीमा आकांक्षी देखिएका छन् । सापकोटा उपसभापति, मेघराज उपसभापति वा सचिव तथा चलाउने र रुद्र सचिवका आकांक्षी हुन् । पुरनसिंह ठकुरीले पनि सहसचिवमा उम्मेदवारी घोषणा गरेका छन् । रविन्द्र हमालले पनि उपसभापति वा सचिवमा इच्छा देखाएका छन् । सुदिपनरसिंह राणाको पनि पदाधिकारीमा आकांक्षा देखिएको छ ।

प्रकाशित मिति: बुधबार, पुस १४, २०७८ ११:२९

प्रतिक्रिया दिनुहोस्