नेपालगन्ज कारागारबाट महिला मुख्य नाइकेको सरुवा, चौकीदारको अनुसन्धान गरिदै

समाचार

गृहपृष्ठ
समाचार
नेपालगन्ज कारागारबाट महिला मुख्य नाइकेको सरुवा, चौकीदारको अनुसन्धान गरिदै

नेपालगन्ज कारागारबाट महिला मुख्य नाइकेको सरुवा, चौकीदारको अनुसन्धान गरिदै

शनिबार, पुस ५, २०७६ बागेश्वरी पोस्ट

undefined

नेपालगन्ज । नेपालगन्ज कारागारबाट महिला मुख्य नाइकेलाई सरुवा गरिएको छ। कारागार प्रशासनले मुख्य नाइके भगवती राना र प्रेमा चन्दलाई सरुवा गरेको हो ।

निमित्त जेलर दीपेन्द्र पौडेलका अनुसार रानालाई नवलपरासी र चन्दलाई पाल्पा कारागारमा सरुवा गरिएको छ। कारागारका महिला कैदीले चौकीदार र मुुुख्य नाइके फेरबदल गर्नुपर्ने लगायतका माग राख्दै आन्दोलनमा उत्रिएका थिए। महिला सेलमा तनावग्रस्त रहेको कारागारमा कारागार प्रशासनले चौकीदार ललिता रेग्मीमाथि अनुसन्धान गर्ने प्रतिवद्धता जनाएपछि आन्दोलन रोकिएको पौडेलले बताए ।

यसैवीच कारागार प्रशासनले कैदीबन्दीले उठाएको मागलाई सम्बोधन गर्न रेग्मीमाथि छानविन शुरु गरेको बताएको छ । महिला कैदीले चौकीदार रेग्मीले आफूहरुमाथि रुखो व्यवहार गरेको, गुणस्तरहीन खाना खुवाएको लगायतका आरोप लगाएका छन् ।

गत कात्तिक १४ मा पुरुष कैदीबन्दीले आन्दोलन गरेपछि जेलर भरतराज पाण्डे, चौकीदार भरत फडेरा लगायतको सरुवा भएको थियो । त्यसयता कारागार प्रमुख विहीन छ ।

प्रकाशित मिति: शनिबार, पुस ५, २०७६ १७:१२

प्रतिक्रिया दिनुहोस्