सुनजस्तो देखिने पहेंलो रंगको धातुसहित नेपालगञ्जबाट दुई जना पक्राउ

समाचार

गृहपृष्ठ
समाचार
सुनजस्तो देखिने पहेंलो रंगको धातुसहित नेपालगञ्जबाट दुई जना पक्राउ

सुनजस्तो देखिने पहेंलो रंगको धातुसहित नेपालगञ्जबाट दुई जना पक्राउ

बिहीबार, पुस १५, २०७८ बागेश्वरी पोस्ट

नेपालगञ्ज । नेपालगञ्जबाट सुनजस्तो देखिने एक विस्कुट पहेंलो रंगको धातुसहित दुई जना पक्राउ परेका छन् । बाँके प्रहरीले नेपालगञ्जको राँझा चोकबाट गएराती ८ बजेतिर सुनजस्तो देखिने पहेंलो रंगको धातुसहित दुई जनालाई पक्राउ गरेको हो ।

जिल्ला प्रहरी कार्यालय बाँकेबाट प्रहरी निरीक्षक ईश्वर गिरीको कमाण्डमा खटिएको प्रहरी टोलीले बारेकोट ६ जाजरकोटका २२ बर्षीय राजु कार्की र सोही ठाउँका २९ बर्षीय पूर्ण बहादुर विकलाई पक्राउ गरेको हो । उनीहरुको साथबाट २ लाख ७७ हजार मूल्य बराबरको सुनजस्तो देखिने एक विस्कुट पहेंलो रंगको धातु र ४ लाख रुपैयाँको एक थान चेक बरामद गरिएको हो ।

प्रहरी निरीक्षक गिरीका अनुसार त्यस ठाउँमा अवैधरुपमा सुनको कारोबार भइरहेको छ भन्ने गोप्य सूचनाका आधारमा प्रहरी त्यहाँ पुगेको थियो । घटनाबारे थप अनुसन्धान भइरहेको बाँके प्रहरीले जनाएको छ ।

प्रकाशित मिति: बिहीबार, पुस १५, २०७८ १८:२१

प्रतिक्रिया दिनुहोस्