कांग्रेस बरियतामा बाँके, बर्दिया र दाङका नेता कति-कति नम्बरमा परे

राजनीति

गृहपृष्ठ
राजनीति
कांग्रेस बरियतामा बाँके, बर्दिया र दाङका नेता कति-कति नम्बरमा परे

कांग्रेस बरियतामा बाँके, बर्दिया र दाङका नेता कति-कति नम्बरमा परे

डा. शेखर कोइराला २०औं वरियतामा

बिहीबार, पुस १५, २०७८ बागेश्वरी पोस्ट

नेपालगञ्ज । नेपाली कांग्रेसले १४औं महाधिवेशनबाट निर्वाचित पदाधिकारी तथा केन्द्रीय सदस्यहरुको वरियतासहितको सूची सार्वजनिक गरेको छ ।

कांग्रेस केन्द्रीय कार्यालयले सार्वजनिक गरेको सूचीमा सभापति शेरबहादुर देउवा पहिलो, उपसभापति पूर्णबहादुर खड्का दोस्रो र उपसभापति धनराज गुरुङ तेस्रो वरियतामा रहेका छन् ।

महामन्त्रीद्वय गगन थापा र विश्वप्रकाश शर्मा क्रमशः चौथो र पाँचौ वरियतामा छन् । उनीहरूपछिको वरियतामा सहमहामन्त्रीहरू छन् । सहमहामन्त्रीमध्ये फरमुल्लाह मंसुर सबैभन्दा अघि छन् । केन्द्रीय सदस्यहरूमध्ये पूर्व उपसभापति गोपालमान श्रेष्ठ शीर्ष वरियतामा छन् । सभापतिका निकटतम प्रतिस्पर्धी डा. शेखर कोइराला २०औं वरियतामा रहेका छन् । उनी भन्दा अगाडि सभापति, पदाधिकारी र पूर्व पदाधिकारी रहेका छन् ।

सहमहामन्त्री बर्दियाका किशोरसिंह राठौर ११औं बरियतामा छन् । केन्द्रिय सदस्य दाङका दिपक गिरी ३१औं बरियतामा परेका छन् । बाँकेका मैकुलाल बाल्मिकी ९९औं नम्बरमा छन् । केन्द्रिय सदस्य बर्दियाका सञ्जयकुमार गौतम ६८औं स्थानमा छन् भने दाङका गेहेन्द्र गिरी ६८औं नम्बरमा छन् । उनी भन्दा अघि दाङकै शिला शर्मा खड्का, योगेन्द्र चौधरी र कृष्णकिशोर घिमिरे क्रमशः ५४औं, ५८औं र ६२औं बरियतामा छन् । बर्दियाका डा.गोपाल दहित ५७औं नम्बरमा परेका छन् । बर्दियाकै जावेदा खातुन जागा ११२औं स्थानमा छिन् ।

हेर्नुस् को कुन बरियतामा छन्-