बाक्लो हुस्सु र कुहिरोका कारण सबै उडान बन्द

समाचार

गृहपृष्ठ
समाचार
बाक्लो हुस्सु र कुहिरोका कारण सबै उडान बन्द

बाक्लो हुस्सु र कुहिरोका कारण सबै उडान बन्द

शुक्रबार, पुस १६, २०७८ बागेश्वरी पोस्ट

नेपालगन्ज । बाक्लो हुस्सुका कारण भिजिबिलिटी घटेपछि उडान बन्द भएका छन् । त्रिभुवन अन्तर्राष्ट्रिय विमानस्थलमा भिजिबिलिटी १०० मिटरमा झरेपछि उडान हुन सकेका छैनन् ।

सामान्यता उडानका लागि भिजिबिलिटि ३ हजार मिटर चाहिने भएपनि १ सय मिटरमा झरेपछि विमान अवतरण पनि हुन सकेका छैनन् । त्रिभुवन विमानस्थल टर्मिनल कार्यालयका अनुसार भिजिबिलिटी ह्वात्तै घट्दा आन्तरिक तथा बाह्य उडान हुन नसकेको हो । कुवेतबाट आएका जजिरा एयरलाइन्सका दुई वटा विमान सिमरामाथिको आकाशमा फन्को लगाइरहेको टर्मिन कार्यालयले जानकारी दिएको छ ।

मौसम पूर्वानुमान महाशाखाका अनुसार आज बिहानैबाट देशभर बाक्लो हुस्सु र कुहिरो लागेको छ । पश्चिमी न्यून चापीय प्रणाली र भारतको उत्तर प्रदेशको पूर्वी भूभाग र बिहार आसपासमा रहेको न्यूनचापीय क्षेत्रको प्रभावका कारण पनि हुस्सु लागेको हो ।

प्रकाशित मिति: शुक्रबार, पुस १६, २०७८ ०९:४२

प्रतिक्रिया दिनुहोस्