नेपालगञ्जमा कार्यरत एक न्यायाधीशलाई बर्खास्त गर्न न्यायपरिषद्ले गर्यो सिफारिस

समाचार

गृहपृष्ठ
समाचार
नेपालगञ्जमा कार्यरत एक न्यायाधीशलाई बर्खास्त गर्न न्यायपरिषद्ले गर्यो सिफारिस

नेपालगञ्जमा कार्यरत एक न्यायाधीशलाई बर्खास्त गर्न न्यायपरिषद्ले गर्यो सिफारिस

शुक्रबार, कात्तिक १, २०७६ बागेश्वरी पोस्ट

नेपालगञ्ज । नेपालगञ्जमा कार्यरत एक जना न्यायाधीशलाई बर्खास्त गरिएको छ। उच्च अदालत तुलसीपुर,नेपालगञ्ज इजलासका न्यायाधीश नरबहादुर शाहीलाई बर्खास्त गरिएको छ । उनी उच्च अदालत पोखरामा कार्यरत रहँदा गोर्खा ब्रुअरीको राजस्व विवादसम्बन्धी एक रीटमा क्षेत्राधिकार भन्दा बाहिर गएर सुनुवाई गरेको आरोप लागेको थियो ।

न्यायपरिषद्ले क्षेत्राधिकार मिचेर गोर्खा ब्रुअरीको मुद्दा सुनुवाई गरेको ठहर गर्दै न्यायाधीश शाहीलाई बर्खास्त गरेको हो ।

उक्त रीटको सुनुवाई गर्ने न्यायाधीशहरू शाहीसहित जीवनहरी अधिकारी र रामचन्द्र यादवमाथि छानबिन गर्न सर्वोच्च अदालतले यसअघि आदेश दिएको थियो।

आफूहरूमाथि छानबिन हुने देखिएपछि न्यायाधीशद्वय अधिकारी र यादवले पदबाट राजीनामा दिएका थिए । पदमै रहेका न्यायाधीश शाहीको त्यसपछि नेपालगञ्ज सरुवा भएको थियो ।

प्रकाशित मिति: शुक्रबार, कात्तिक १, २०७६ १६:१०

प्रतिक्रिया दिनुहोस्