गर्भाशय बेचविखनका घटनाहरु पनि देखिन थालेः माइती नेपाल

समाचार

गृहपृष्ठ
समाचार
गर्भाशय बेचविखनका घटनाहरु पनि देखिन थालेः माइती नेपाल

गर्भाशय बेचविखनका घटनाहरु पनि देखिन थालेः माइती नेपाल

एक बर्षमा ५२५ निवेदन परेकोमा २०३ जना मात्र फेला

शुक्रबार, पुस १६, २०७८ बागेश्वरी पोस्ट

केशब कोइराला

नेपालगञ्ज । नेपालगञ्ज नाकाबाट एक बर्षको अवधिमा ४ सय बढीको उद्दार गरिएको छ । सन् २०२१ मा जोखिमपूर्ण यात्रामा रही सिमानाबाट उद्दार गरिएको संख्या ४ सय ३४ रहेको माइती नेपाल नेपालगञ्जले जनाएको छ ।

आज नेपालगञ्जमा पत्रकारहरुसंग गरिएको अन्तरक्रियामा माइती नेपाल नेपालगञ्जका प्रमुख केशब कोइरालाले पछिल्लो समय सबैभन्दा बढी जोखिममा सुर्खेत जिल्ला देखिएको बताए । उनका अनुसार गएको एक बर्षमा ४३२ जनालाई पारिवारिक पुनर्मिलन गराइएको छ । उनीहरुलाई मानव बेचविखन र सुरक्षित बसाईसराईबारे जानकारी दिई पारिवारिक पुनर्मिलन गराइएको छ । उद्दार गरिएको र पुनर्मिलन गराइएको यो दुबै संख्या अघिल्लो बर्ष भन्दा बढी नै हो ।

यस्तै श्रम र यौन शोषणमा परी उद्दार गरिएको संख्या ११ छ । यो एक बर्षमा खोजतलासका लागि ५२५ निवेदन परेकोमा २०३ जना मात्र फेला परेका छन् । कोइरालाले सामाजिक सञ्जालको अधिक प्रयोग गरी सम्पर्क स्थापित गर्ने क्रम उच्च रहेकाले जोखिम बढेको बताए । राज्यसंग खोजतलास र उद्दारको संयन्त्र नहुँदा खोजतलासको कार्य प्रभावकारी हुन नसकेको कोइरालाले बताए ।

बेचविखनको बदलिँदा स्वरुपहरु मध्ये पछिल्लो समय गर्भाशय बेचविखनका घटनाहरु पनि देखिन थालेको कोइरालाको भनाई छ । "बाहिर खुल्न नचाहेपनि सम्पर्कमा आउनेहरु बढेका छन् ," उनले भने । यी मध्ये अहिले एउटा घटना परीक्षणमा रहेको उनले जानकारी दिए । अदालतमा मुद्दा चलाउने प्रक्रिया शुरु गर्न थालिएको उनको भनाई छ ।

प्रकाशित मिति: शुक्रबार, पुस १६, २०७८ १५:४४

प्रतिक्रिया दिनुहोस्