हात भाँचिएकी घाइते महिलालाई जागेश्वरद्वारा रगतदान

समाचार

गृहपृष्ठ
समाचार
हात भाँचिएकी घाइते महिलालाई जागेश्वरद्वारा रगतदान

हात भाँचिएकी घाइते महिलालाई जागेश्वरद्वारा रगतदान

शुक्रबार, पुस १६, २०७८ बागेश्वरी पोस्ट

नेपालगन्ज । दुर्घटनामा परेकी महिलाको उपचारका लागि नेपालगन्ज उपमहानगरपालिकाका एक जना स्वास्थ्यकर्मीले रगतदान गरेका छन् । रुखबाट लडेर हात पूरै क्षतबिक्षत अवस्थामा रहेकी कपुरकोट गाउँपलिका ६ सल्यानकी घाइते रोहिनी महतराको उपचारका लागि नेपालगञ्ज उपमहानगरपालिकाका जनस्वास्थ्य निरीक्षक जागेश्वर बस्नेतले रगतदान गरेका हुन् ।

पुष ८ गते रुखबाट खसेर घाइते भएकी महतरालाई ९ गते छोरा उमेशले नेपालगञ्ज मेडिकल कलेज शिक्षण अस्पताल नेपालगञ्जमा उपचारका लागि ल्याएका थिए । ८ गते नै तुलसीपुर सिटी अस्पतालमा उपचार पश्चात ९ गते नेपालगञ्ज ल्याइएको छोरा उमेशले बताए । हातको अवस्था नाजुक भएर रक्तस्राव हुँदा अहिलेसम्म ९ पिन्ट रगत दिएको उनले बताए ।

आज पनि बाँकेका कोरोना फोकल पर्सन तेज वली र नेपालगन्ज मेडिकल कलेज नेपालगन्जमा कार्यरत एसी वार्ड इन्चार्ज पुष्पा खत्रीको अनुरोधमा नेपालगन्ज उपमहानगरपालिकाका जनस्वास्थ्य निरीक्षक बस्नेतले रगत दिएका हुन् । बस्नेतले अस्पतालमा लाग्ने अन्य खर्चको लागि सहयोग गर्ने पनि बताए । "रगतको अभावले कसैको ज्यान नजाओस भन्ने उद्देश्यका साथ मैले सहयोग गरेको हुँ," बस्नेतले भने । नेपालगञ्ज १३ का राजवीर बर्नवालले पनि महतरालाई आजै बी नेगेटिभ रगत दिएका छन् ।

प्रकाशित मिति: शुक्रबार, पुस १६, २०७८ १९:५९

प्रतिक्रिया दिनुहोस्