राष्ट्रियसभा सदस्य निर्वाचनका लागि आजदेखि प्रक्रिया शुरू

राजनीति

गृहपृष्ठ
राजनीति
राष्ट्रियसभा सदस्य निर्वाचनका लागि आजदेखि प्रक्रिया शुरू

राष्ट्रियसभा सदस्य निर्वाचनका लागि आजदेखि प्रक्रिया शुरू

शनिबार, पुस १७, २०७८ बागेश्वरी पोस्ट

नेपालगञ्ज । राष्ट्रियसभा सदस्य निर्वाचनका लागि आजदेखि निर्वाचन प्रक्रिया शुरू भएको छ । १९ जना सदस्यका लागि आगामी माघ १२ गते हुने मतदानका लागि आजदेखि निर्वाचन प्रक्रिया शुरु गरिएको निर्वाचन आयोगले जनाएको छ । आज मतदाता नामावली प्रकाशन गरिँदैछ ।

आजदेखि शुरु भएको निर्वाचन प्रक्रिया अन्तर्गत् पुस २० देखि २५ गतेसम्म उम्मेदवारको अन्तिम नामावली, निर्वाचन चिह्न दिने कार्यक्रम र निर्वाचन आचारसंहिता लागू हुने आयोगले जनाएको छ । २० गते उम्मेदवारी मनोनयन हुनेछ ।

आयोगले निर्वाचन अधिकृत नियुक्त यसअघि नै गरिसकेको छ । मतदान स्थल र केन्द्र पनि तय गरिसकेको छ । राष्ट्रियसभा निर्वाचनमा स्थानीय तहमा १४९३ जना र प्रदेशसभामा ५३२ जना गरेर जम्मा २ हजार २५ मतदाता रहेको आयोगले जनाएको छ ।

मतदानका लागि आठ वटा मतदानस्थल र १४ वटा मतदान केन्द्रको व्यवस्था गरिएको छ । यसैगरी निर्वाचनमा भाग दिन १२ दल दर्ता भएका छन् ।

आयोगले प्रतिनिधिसभा निर्वाचनमा दलले पाएको समानुपातिक मतका आधारमा राष्ट्रियसभा निर्वाचनको मतपत्रमा चिह्नको प्राथमिकता निर्धारण गर्ने भएको छ ।

आगामी फागुन २० मा एमालेका आठ, कांग्रेसका तीन, एकीकृत समाजवादीका चार र राष्ट्रपतिबाट मनोनित एक जनाको कार्यकाल सकिने संघीय संसद सचिवालयले जनाइसकेको छ ।

प्रकाशित मिति: शनिबार, पुस १७, २०७८ ११:१८

प्रतिक्रिया दिनुहोस्