राष्ट्रियसभा निर्वाचनका लागि बाँके कांग्रेसबाट कोइराला र शर्मा सिफारिस

राजनीति

गृहपृष्ठ
राजनीति
राष्ट्रियसभा निर्वाचनका लागि बाँके कांग्रेसबाट कोइराला र शर्मा सिफारिस

राष्ट्रियसभा निर्वाचनका लागि बाँके कांग्रेसबाट कोइराला र शर्मा सिफारिस

शनिबार, पुस १७, २०७८ बागेश्वरी पोस्ट

नेपालगञ्ज । माघ १२ गते हुने राष्ट्रियसभा निर्वाचनका लागि बाँकेबाट नेपाली कांग्रेसले दुई जनाको नाम लुम्बिनी प्रदेश कमिटीलाई सिफारिस गरेको छ ।

शुक्रबार बसेको पदाधिकारी बैठकले अहिलेकी जिल्ला सभापति किरण कोइराला र पूर्व जिल्ला सभापति युवराज शर्माको नाम उम्मेदवारका लागि सिफारिस गरेको सचिव तप्त पौडेलले बताए । "प्रदेशले दुई जनाको नाम मागेको थियो, त्यही अनुसार दुई जनाको नाम पठाएका हौं," सभापति कोइरालाले भनिन् ।

नेपाली कांग्रेस लुम्बिनी प्रदेश कमिटीले बाँकेबाट एक जना पुरुष र एक जना महिलाको नाम मागेको थियो । लुम्बिनी प्रदेश कमिटीले १२ वटै जिल्लाबाट आएका नाम केन्द्रिय समितिलाई पठाउनेछ । केन्द्रले उम्मेदवार चयन गर्नेछ । राष्ट्रियसभा निर्वाचनको प्रक्रिया आजदेखि शुरु भएको छ । आज मतदाता नामावली प्रकाशन हुँदैछ । २० गते उम्मेदवारी मनोनयन दर्ता गर्ने कार्यतालिका छ ।

निर्वाचन आयोगले लुम्बिनी प्रदेशका लागि दाङमा निर्वाचन अधिकृतको कार्यालय स्थापना गरिसकेको छ । आगामी फागुन २० मा एमालेका आठ, कांग्रेसका तीन, एकीकृत समाजवादीका चार र राष्ट्रपतिबाट मनोनित एक जनाको कार्यकाल सकिने भएकाले माघ १२ गते राष्ट्रियसभा निर्वाचन हुँदैछ ।

प्रकाशित मिति: शनिबार, पुस १७, २०७८ ११:५२

प्रतिक्रिया दिनुहोस्