देउबाद्वारा १० नेतालाई केन्द्रिय सदस्यमा मनोनित

राजनीति

गृहपृष्ठ
राजनीति
देउबाद्वारा १० नेतालाई केन्द्रिय सदस्यमा मनोनित

देउबाद्वारा १० नेतालाई केन्द्रिय सदस्यमा मनोनित

शेखर समूहबाट पराजित कोही परेनन्

शनिबार, पुस १७, २०७८ बागेश्वरी पोस्ट

नेपालगञ्ज । नेपाली कांग्रेसका सभापति शेरबहादुर देउबाले १० जना नेतालाई केन्द्रिय सदस्यमा मनोनित गरेका छन् ।

सभापति देउबाले विधान बमोजिम रामचन्द्र पौडेल, प्रकाशमान सिंह, विमलेन्द्र निधि, विजय कुमार गच्छदार, कृष्ण प्रसाद सिटौला, डा.प्रकाश शरण महत, डा. नारायण खड्का, उमा रेग्मी, सुजाता कोइराला र मीन बहादुर विश्वकर्मालाई केन्द्रिय सदस्यमा मनोनित गरेको पार्टी कार्यालयका मुख्य सचिव कृष्णप्रसाद पौडेलले प्रेस विज्ञप्ती जारी गरेर जानकारी गराएका छन् ।

सभापतिमा पहिलो चरणमा पराजित भएर दोस्रो चरणमा देउबालाई समर्थन गरेका सिंह र निधि, उपसभापतिमा पराजित गच्छदार र कोइराला, महामन्त्रीमा पराजित डा.महत तथा कुनै पदमा पनि उम्मेदवारी नदिएका पौडेल, सिटौला, डा.खड्का, रेग्मी र विश्वकर्मा पनि मनोनित भएका छन् । शेखर कोइराला प्यानलबाट पराजित कोही पनि मनोनित भएका छैनन् ।

देउबा प्यानलबाट महामन्त्रीमा पराजित प्रदिप पौडेल पनि मनोनित भएका छैनन् । कांग्रेस विधान अनुसार सभापतिले ३३ जनालाई केन्द्रिय कार्यसमितिमा केन्द्रिय सदस्य मनोनित गर्ने व्यवस्था छ ।