२२९ जना सेकेन्ड लेफ्टिनेन्टका लागि भर्ना खुल्यो

समाचार

गृहपृष्ठ
समाचार
२२९ जना सेकेन्ड लेफ्टिनेन्टका लागि भर्ना खुल्यो

२२९ जना सेकेन्ड लेफ्टिनेन्टका लागि भर्ना खुल्यो

आइतबार, पुस १८, २०७८ बागेश्वरी पोस्ट

नेपालगन्ज । नेपाली सेनामा २२९ जना सेकेन्ड लेफ्टिनेन्ट पदका लागि भर्ना खोलेको छ । नेपाली सेना भर्ना छनौट निर्देशनालय, कार्यरथी विभाग जंगी अड्डाले एक विज्ञापन प्रकाशन गर्दै भर्ना खोलेको जनाएको हो ।

उक्त सेकेन्ड लेफ्टिनेन्टका लागि आजदेखि माघ १७ गतेसम्म एक हजार रुपैयाँ दस्तुर बुझाएर दरखास्त दिने म्याद निर्धारण गरिएको छ । दोब्बर दस्तुर तिरेर माघ १८ गतेसम्म दरखास्त बुझाउन सकिने नेपाली सेनाले जनाएको छ ।

नयाँ खोलिएको सेकेन्ड लेफ्टिनेन्टको विज्ञापनमा १२० जना, कर्तव्य पालनाको सिलसिलामा ज्यान गएका सैनिकका परिवारका लागि ६, महिला २१, आदिबासी जनजाती ३३, मधेसी २९, दलित १५ जना र पिछडिएको क्षेत्रबाट ५ जना माग भएको छ ।

शैक्षिक योग्यताका हकमा प्रमाणपत्र तह उत्तिर्णका लागि २१ बर्ष ननाघेको र स्नातक तह उत्तिर्णका लागि २४ बर्ष ननाघेको हुनुपर्ने विज्ञापनमा उल्लेख छ ।

प्रकाशित मिति: आइतबार, पुस १८, २०७८ ११:५०

प्रतिक्रिया दिनुहोस्