पाल्पामा मलामी जाँदै गरेको बस दुर्घटना, ७ जनाको मृत्यु

समाचार

गृहपृष्ठ
समाचार
पाल्पामा मलामी जाँदै गरेको बस दुर्घटना, ७ जनाको मृत्यु

पाल्पामा मलामी जाँदै गरेको बस दुर्घटना, ७ जनाको मृत्यु

आइतबार, पुस १८, २०७८ बागेश्वरी पोस्ट

नेपालगन्ज । मलामी जाँदै गरेको बस दुर्घटना हुँदा ७ जनाको मृत्यु भएको छ । दुर्घटनामा ८ जना घाइते भएका छन् ।

आज बिहान बुटवलबाट गुल्मी जिल्लाको रिडीमा शव लिएर मलामी जाँदै गरेको बस बाटो चिप्लो भएका कारण पाल्पा जिल्लाको लघुवा भन्ने स्थानमा दुर्घटना हुँदा ७ जनाको मृत्यु भएको हो ।बसमा ३६ जना मलामी सवार थिए ।

शव लिएर जाँदै गरेको लु २ ख ७२७९ नम्बरको बस सडकबाट ५० मिटर तल खस्दा ७ जनाको घटनास्थलमै मृत्यु भएको प्रहरीले जानकारी दिएको छ । दुर्घटनामा घाइते भएका ८ जनालाई उपचारका लागि पाल्पा अस्पताल पठाइएको प्रहरीले जानकारी दिएको छ । मृतक र घाइतेहरुको विवरण आउन बाँकी रहेको प्रहरीले जानकारी दिएको छ ।

प्रकाशित मिति: आइतबार, पुस १८, २०७८ १२:१९

प्रतिक्रिया दिनुहोस्