तुलसीपुर खानेपानी संस्थाको अध्यक्षमा भण्डारी निर्वाचित

समाचार

गृहपृष्ठ
समाचार
तुलसीपुर खानेपानी संस्थाको अध्यक्षमा भण्डारी निर्वाचित

तुलसीपुर खानेपानी संस्थाको अध्यक्षमा भण्डारी निर्वाचित

आइतबार, पुस १८, २०७८ बागेश्वरी पोस्ट

दाङ । दाङको तुलसीपुर खानेपानी उपभोक्ता तथा सरसफाई संस्थाको अध्यक्षमा यमकान्त भण्डारी निर्वाचित भएका छन् । नयाँ नेतृत्व चयनका लागि शनिवार भएको निर्वाचनको मत परिणाम अनुसार १९८६ मत प्राप्त गरी भण्डारी अध्यक्षमा निर्वाचित भएका हुन् । उनका निकटतम प्रतिद्वन्दी पवनराज बुढाथोकीले १७६७ मत प्राप्त गरेका छन् भने अध्यक्षका अर्का उम्मेदवार दिपक कुमार धितालले २६४ मत प्राप्त गरे । भण्डारीलाई तुलसीपुर क्षेत्रका क्रियाशील ९ राजनीतिक दलहरुको समर्थन थियो ।

९ दलीय गठबन्धनले कोषाध्यक्ष बाहेक अन्य सबै पदमा जित हासिल गरेको छ । उपाध्यक्षमा सिताराम शर्मा आचार्य २२७२ मत प्राप्त गरी विजयी भएका छन । उनका निकटतम प्रतिद्न्वदी गिरीधारी प्रसाद पौडेलले १४८५ र अर्का उम्मेदवार पूर्ण प्रसाद धितालले ७१ मत प्राप्त गरे । त्यस्तै सचिवमा भण्डारी प्यानलका सेवकराम भण्डारी सबैभन्दा धेरै २८३८ मत प्राप्त गरी निर्वाचित भए । उनका प्रतिष्पर्धी दामोदर लामिछानेले ६८४ मत प्राप्त गरे ।

कोषाध्यक्षमा भने भोलाप्रसाद थापा निर्वाचित भएका छन् । उनले १७०२ मत गरे । उनी पवनराज बुढाथोकी प्यानलका उम्मेद्धार हुन् । उनका प्रतिष्पर्धी भण्डारी प्यालनका भद्र बहादुर वलीले १५१६ मत प्राप्त गरे । अर्का उमेदवार मेघराज न्यौपानेले ३०४ र कर्ण बहादुर वलीले ८७ मत प्राप्त गरे । त्यस्तै सदस्यहरुमा पदम बहादुर खड्का र लक्ष्मण केसी निर्वाचित भएका छन् । खड्काले २०७८ र केसीले २५६४ मत प्राप्त गरे । सदस्य पदका अर्का उम्मेदवार सोविन्द्र चन्दले १३११ मत प्राप्त गरे ।

संस्थाको जम्मा मतदाता संख्या ७ हजार ४ सय ६७ रहेकोमा ४ हजार ४ सय ५ मत खसेको थियो ।

प्रकाशित मिति: आइतबार, पुस १८, २०७८ १४:५१

प्रतिक्रिया दिनुहोस्