गौडेल समूहको प्रचार तीब्र, कोहलपुरमा क्षेत्रीय प्रतिनिधिको भेला

राजनीति

गृहपृष्ठ
राजनीति
गौडेल समूहको प्रचार तीब्र, कोहलपुरमा क्षेत्रीय प्रतिनिधिको भेला

गौडेल समूहको प्रचार तीब्र, कोहलपुरमा क्षेत्रीय प्रतिनिधिको भेला

बाँके कांग्रेसलाई गुटरहित बनाउन हामीलाई जिताउनुस्ः गौडेल

आइतबार, पुस १८, २०७८ बागेश्वरी पोस्ट

कोहलपुर । नेपाली कांग्रेस बाँकेको सभापतिका उम्मेदवार नारायणप्रसाद गौडेल समूहले जिल्लाका विभिन्न स्थानमा क्षेत्रीय प्रतिनिधिको भेला गरिरहेको छ । यसैक्रममा आज आफ्नो समूहलाई बिजय गराउन आग्रह गर्दै कोहलपुरमा बृहत् भेला गरेको छ ।

भेलामा नेपाली कांग्रेस कोहलपुर वडा नम्बर ७,८,९,१४ र १५ का नेपाली कांग्रेसका क्षेत्रीय प्रतिनिधिको उपस्थिति थियो । उक्त भेलामा सभापतिका उम्मेदवार गौडेलले नेपाली काँग्रेस बाँकेलाई गुटरहित बनाउनका लागि आफ्नो समूहलाई बिजय गराउन आग्रह गरे ।

No description available.

गौडेलले पार्टीलाई सशक्त र सुदृढ बनाउँदै आगामी सबै तहका निर्वाचनहरुमा विजयी बनाउने प्रणका साथ आफूहरु पार्टीको चुनावमा प्रतिष्पर्धा गर्न होमिएको बताए । उनले आफ्नो टिमले जितेपछि पार्टी सशक्त ढंगले अघि बढ्ने बताए । "यो संघर्षशील, कर्मशील युवाहरुको टिम हो, यो गफ गर्ने टिम होइन," उनले भने, "यो फिल्डमा गएर काम गर्ने टिम हो, क्षेत्रीय प्रतिनिधिहरुले विश्वास गरेर हामीलाई जिताउनुस्, हामी बाँकेमा कांग्रेसलाई एक छत्र बनाउन लाग्नेछौं ।" उनले चार बर्ष अहोरात्र खटिएर कांग्रेसलाई सशक्त बनाउन लाग्ने बताए । नेपाली काँग्रेस बाँके क्षेत्र नम्बर १ का सभापति पोषण केसीले बाँके कांग्रेसको रुपान्तरणका लागि नारायण गौडेलको समूहलाई विजय गराउन आग्रह गरे ।

No description available.

लुम्बिनी प्रदेश कमिटी सदस्य टेकनारायण भुषालले कांग्रेसका इमान्दार कार्यकर्ताहरुको खस्केको मनोबल उकास्दै आगामी निर्वाचनहरुमा कांग्रेसलाई जिताउन गौडेल समूहलाई विजयी बनाउन आवश्यक रहेको बताए । उनले गौडेल समूहले भोली सोमबार आफ्नो समूहका उम्मेदवारहरुको घोषणा पनि गर्न लागेको बताए ।

भेलामा नेता हुर्मत न्यौपाने, प्रदेश कमिटी सदस्यहरु प्रेम केसी, अन्जना पाण्डे, क्षेत्र नम्बर १ ख का सभापति बलराम शर्मा, कोहलपुर नगर सभापति विरेन्द्र शाह, उपसभापतिका उम्मेदवार गोपाल अधिकारी, सचिव पदका उम्मेदवार सुधांशु कोइराला, वडा नम्बर ८ का सभापति बेल बहादुर बस्नेत लगायतले बोलेका थिए ।

No description available.