संस्थापनबाट सभापतिमा निरन्जनसिंह सिजापतिको चर्चा !

राजनीति

गृहपृष्ठ
राजनीति
संस्थापनबाट सभापतिमा निरन्जनसिंह सिजापतिको चर्चा !

संस्थापनबाट सभापतिमा निरन्जनसिंह सिजापतिको चर्चा !

सोमबार, पुस १९, २०७८ बागेश्वरी पोस्ट

नेपालगञ्ज । नेपाली कांग्रेस बाँकेको सभापति पदको उम्मेदवार कसलाई बनाउने भन्ने विषयमा संस्थापन समूहले अझै निर्णय लिन सकेको छैन । आइतबारदेखि गहन छलफलमा जुटेको संस्थापन समूहले अब आजभोलीमा नै उम्मेदवार टुंग्याउने दाबी गरेको छ ।

सभापतिका आकांक्षी धेरै हुँदा उम्मेदवार छान्न बिलम्ब भएको हो । लुम्बिनी प्रदेशका वन वातावरण तथा भूसंरक्षण मन्त्री सुरेन्द्र हमाल, संविधानसभा सदस्य बादशाह कुर्मी र महासमिति सदस्य निरन्जनसिंह सिजापति मध्ये एक जनालाई उम्मेदवार बनाउने कोशिस भइरहेको बताइएको छ ।

आइतबार दिउँसोदेखि सिजापतिको सम्भावना बढेको कांग्रेस बृत्तमा चर्चा छ । यसअघि १३औं महाधिवेशनमा बाँके जिल्ला सभापतिमा किरण कोइरालासंग पराजित भएका सिजापतिलाई उम्मेदवार बनाउन लागेको संस्थापन समूहका नेताहरुले नै चर्चा गरिरहेका छन् । यद्यपी कुर्मीको पनि सम्भावना कमजोर नभएको संस्थापनकै एक नेताले दाबी गरे ।

स्रोतका अनुसार हमालको सम्भावना केही कम देखिएको छ । तर, उनले आफ्ना निकटस्थहरुसंग आफू नै उम्मेदवार बन्ने बताइरहेका छन् । "सुरुदेखि नै चर्चामा रहेका कुर्मी र सिजापति मध्ये एक उम्मेदवार हुने अवस्था देखिएको छ," एक नेताले भने-"आज या भोली नै टुंगिन्छ ।" तर, हमाल, सिजापति र कुर्मी मध्ये जो कोहीका पक्षमा पनि निर्णय हुन सक्ने सम्भावना भने नटरेको बताइन्छ ।

प्रकाशित मिति: सोमबार, पुस १९, २०७८ ०९:०३

प्रतिक्रिया दिनुहोस्