बाक्लो हुस्सुले तराईको जनजीवन प्रभावित

समाचार

गृहपृष्ठ
समाचार
बाक्लो हुस्सुले तराईको जनजीवन प्रभावित

बाक्लो हुस्सुले तराईको जनजीवन प्रभावित

मंगलबार, पुस २०, २०७८ बागेश्वरी पोस्ट

नेपालगञ्ज । बाक्लो हुस्सु, कुहिरो र शितलहरका कारण तराईका जिल्लाको जनजीवन प्रभावित भएको छ ।

तराईका केही ठाउँमा केही दिनदेखि घाम नै लागेको छैन । लगातारको बाक्लो हुस्सुका कारण जनजीवन कष्टकर बन्दै गएको छ । चिसो बढेपछि धेरैजसो ठाउँमा चोकचोकमा आगो बाल्न थालिएको छ । तातो न्यानो हुन आगो बालेर ताप्ने गरिएको छ ।

हिउँदे वर्षासँगै तराईका जिल्लामा लगातारजसो बाक्लो हुस्सु, कुहिरो लागेको छ । चिसोका कारण दैनिक ज्याला मजदुरी गर्ने श्रमिक सबैभन्दा धेरै मर्कामा परेका छन् भने बालबालिका र ज्येष्ठ नागरिकको स्वास्थ्यमा समस्या देखिन थालेको छ । केही विद्यालयले जाडो बिदा समेत दिन थालेका छन् ।

चिसोका कारण सहर बजार तथा सार्वजनिक ठाउँमा चहलपहल घटेको छ । आज पनि तराईका धेरैजसो ठाउँमा बाक्लो हुस्सु, कुहिरो लागेको छ । केही ठाउँमा शितलहर पनि चलेको छ । केही ठाउँमा बेलुकासम्म नै कुहिरो लाग्ने सम्भावना रहेको मौसमविद् वरुण पौडेलले जानकारी दिए ।

उनका अनुसार भोली पनि बाक्लो हुस्सु, कुहिरो लाग्ने सम्भावना छ ।

प्रकाशित मिति: मंगलबार, पुस २०, २०७८ १०:३४

प्रतिक्रिया दिनुहोस्