कांग्रेस बाँकेको उपसभापतिका उम्मेदवार गोपाल अधिकारी को हुन् ?

राजनीति

गृहपृष्ठ
राजनीति
कांग्रेस बाँकेको उपसभापतिका उम्मेदवार गोपाल अधिकारी को हुन् ?

कांग्रेस बाँकेको उपसभापतिका उम्मेदवार गोपाल अधिकारी को हुन् ?

बुधबार, पुस २१, २०७८ बागेश्वरी पोस्ट

नेपालगञ्ज । नेपाली कांग्रेस बाँकेकोे पुष २७ गते हुने जिल्ला अधिवेशनमा जिल्ला उपसभापतिका उम्मेदवार गोपाल प्रसाद अधिकारी सभापतिका उम्मेदवार नारायण प्रसाद गौडेल प्यानलका हुन् । सानै उमेरदेखि कांग्रेस राजनीतिमा होमिएका अधिकारी कांग्रेसजनमा चिरपरिचित नाम हो ।

अधिकारी २०४६ सालको जनआन्दोलनसंगै कांग्रेस राजनीतिमा होमिएका नेता हुन् । मोरङ क्षेत्र नम्बर ३ स्थित साविकको बाहुनी गाविसमा अवस्थित जनता स्कुलमा नेविसंघ इकाई अध्यक्ष भएर राजनीतिक पाइला अघि सारेका अधिकारी महेन्द्र मोरङ क्याम्पस विराटनगरको नेविसंघ इकाई सहसचिव पनि भए ।

२०५६ सालदेखि कांग्रेसको क्रियाशील सदस्य रहेका अधिकारीले २०६२र६३ को जनआन्दोनलमा बाँकेमा सक्रिय भूमिका निभाएका थिए । त्यसबेला उनी आर्थिक व्यवस्थापनको मुख्य जिम्मेवारीमा थिए । उनी बाँके जिल्ला सदस्य भइसकेका छन् । प्रखर बक्ता अधिकारी १२औं महाधिवेशनमा डा।अरुण कोइराला जिल्ला सभापति हुँदा जिल्ला सदस्य भएका थिए । अधिकारी श्रम विभाग प्रमुख पनि भए ।

उनी नेपालगञ्जका सफल व्यवसायी पनि हुन् । नेपालगञ्ज उद्योग बाणिज्य संघको अध्यक्षमा पनि उनले कांग्रेसको सर्वसम्मत उम्मेदवारका रुपमा प्रतिष्पर्धा गरेका थिए । उनी बाँके चेम्बर अफ कमर्शको उपाध्यक्ष पनि हुन् । कांग्रेस बाँकेको पार्टी कार्यालय बनाउने प्रमुख सुत्राधार मध्येका एक अधिकारी कांग्रेसजन माझ लोकप्रिय छन् ।

उनी सामाजिक सेवामा पनि त्यत्तिकै दत्तचित्तका साथ लागिपरेका छन् । सामुदायिक सेवा केन्द्र तथा सामुदायिक प्रहरी सेवा केन्द्र बाँकेको सदस्य, उपाध्यक्ष हुँदैै दुई कार्यकाल अध्यक्ष बनेर कुशलतापूर्वक काम गरेका अधिकारीले केन्द्रको आफ्नै दुई तले भवन निर्माण गरेका थिए ।

अग्रजहरुको अनुभव तथा युवाहरुको जोश, जाँगर र उत्साहले बाँके कांग्रेसमा रुपान्तरण ल्याउन आफ्नो उम्मेदवारी रहेको अधिकारी बताउँछन् । संगठन शुद्धिकरण र सुदृढीकरण गर्दै समयसापेक्ष कांग्रेस बनाउने अठोटसहित चुनावी मैदानमा होमिएका अधिकारीको भनाई छ । सशक्त र जुझारु कांग्रेस बनाउन आफ्नो समूहका सबै उम्मेदवारलाई जिताउन उनले आह्वान गरेका छन् ।

प्रकाशित मिति: बुधबार, पुस २१, २०७८ ०८:४३

प्रतिक्रिया दिनुहोस्