एमाले बाँके अधिवेशनको तयारी पूरा, सर्वसम्मत नेतृत्व चयन गरिने

राजनीति

गृहपृष्ठ
राजनीति
एमाले बाँके अधिवेशनको तयारी पूरा, सर्वसम्मत नेतृत्व चयन गरिने

एमाले बाँके अधिवेशनको तयारी पूरा, सर्वसम्मत नेतृत्व चयन गरिने

बुधबार, पुस २१, २०७८ बागेश्वरी पोस्ट

नेपालगन्ज । नेकपा एमाले बाँकेको जिल्ला अधिवेशनको तयारी पूरा भएको छ । पुष २३ गते सुरु हुने जिल्ला अधिवेशनको तयारी पूरा भएको एमालेले जनाएको छ ।

८ औं जिल्ला अधिवेशनको तयारीका बारेमा जानकारी दिन नेपालगन्जमा आज आयोजित पत्रकार सम्मेलनमा अध्यक्ष निरक गुरुङ्गले अधिवेशनलाई भव्य र व्यवस्थित बनाउनका लागि विभिन्न उप–समितिहरु समेत बनाइएको बताए । अधिवेशनका लागि ४ सय ९७ आयोजक कमिटीका सदस्य सहित १ हजार ३ सय ८३ जना प्रतिनिधिहरुले सहभागिता जनाउने गुरुङले जानकारी दिए ।

नेकपा एमालेका केन्द्रीय सदस्य तथा बाँके जिल्ला इन्चार्ज सुर्य ढकालले जिल्ला अधिवेशनले सर्वसम्मत नेतृत्व चयन गर्ने बताए । इन्चार्ज ढकालले ७७ वटै जिल्लामा सर्वसम्मत नेतृत्व चयन हुने बताए । सह इन्चार्ज मोहम्मद हारुनले नेता र कार्यकर्ता सबैको बिश्वासको आधारमा सर्वसम्मत कमिटी बन्ने बताए । उनले १२० सदस्यीय जिल्ला कमिटी नै सर्वसम्मत चयन गरिने जानकारी दिए ।

पुस २३ गते विहान ११ बजे नेकपा एमालेको नेपालगञ्जस्थित पार्टी कार्यालयमा केन्द्रीय अध्यक्ष केपी शर्मा ओलीले भर्चुअल माध्यमबाट जिल्ला अधिवेशनको उद्घाटन हुनेछ । जिल्ला अध्यक्षमा वर्तमान अध्यक्ष गुरुङ, उपाध्यक्ष किस्मत कक्षपति, सचिव रत्न खत्री, नेताहरु डिल्ली विसी, सतिस निरौला र घननाथ खनालले दावी गरेका छन् ।

प्रकाशित मिति: बुधबार, पुस २१, २०७८ १९:०४

प्रतिक्रिया दिनुहोस्