दाङमा जीप दुर्घटना हुँदा ६ जना घाइते

समाचार

गृहपृष्ठ
समाचार
दाङमा जीप दुर्घटना हुँदा ६ जना घाइते

दाङमा जीप दुर्घटना हुँदा ६ जना घाइते

बिहीबार, पुस २२, २०७८ बागेश्वरी पोस्ट

दाङ । दाङमा जीप दुर्घटना हुँदा ६ जना घाइते भएका छन् ।

पूर्व पश्चिम राजमार्गमा पूर्वबाट लमहीतर्फ आउँदै गरेको स्कार्पियो बुधबार राति २ बजे अनियन्त्रित भर्इ लमही ३ स्थित बगार्इ खोलाको पुलमा ठोक्किँदा ६ जना घाइते भएको जिल्ला प्रहरी कार्यालय दाङले जनाएको छ ।

घाइते हुनेमा लमही नगरपालिका २ बरुवा गाउँका २८ वर्षीय प्रदीप चौधरी, वडा नम्बर ५ को कोलही बस्ने २५ वर्षीय विनोद चौधरी, रातो डाँडा निवासी १८ वर्षीया आकृति पाण्डे, सोही ठाउँ बस्ने वर्ष २० की सिर्जना सुनार, लमही बजार निवासी ३७ वर्षीय भानुप्रसाद गुप्ता, वडा नम्बर ६ देउपुर बस्ने वर्ष १८ की बिनिता लुहार रहेका छन् ।

दुर्घटनामा चालक विनोद चौधरी, प्रदीप चौधरी, भानुप्रसाद गुप्ता, सिर्जना सुनारको टाउकोमा चोट लागेर गम्भीर घाइते भएको प्रहरीले जनाएको छ । बाँकी घाइतेको मुख र हातमा चोट लागेको छ । घाइतेहरूको नेपालगञ्ज र बुटवलमा उपचार भैरहेको प्रहरीले बताएको छ ।

प्रकाशित मिति: बिहीबार, पुस २२, २०७८ १२:२५

प्रतिक्रिया दिनुहोस्