नेपाल प्रहरीका २६ जना एसएसपीको सरुवा

राजनीति

गृहपृष्ठ
राजनीति
नेपाल प्रहरीका २६ जना एसएसपीको सरुवा

नेपाल प्रहरीका २६ जना एसएसपीको सरुवा

शुक्रबार, पुस २३, २०७८ बागेश्वरी पोस्ट

नेपालगन्ज । प्रहरी प्रधान कार्यालयले २६ जना एसएसपीहरुको सरुवा भएको छ। सरुवा हुनेहरूमा गण्डकी प्रदेश प्रहरी तालिम केन्द्रका पोखराका एसएसपी भरतबहादुर बोहराको सरुवा भएको छ । उनलाई प्रहरी प्रधान कार्यालय प्रशासन महाशाखामा सरुवा गरिएको हो । उनको स्थानमा एसएसपी डिल्लीराज पन्त आउने भएका छन् । उनी यसअघि राष्ट्रिय सुरक्षा परिषद्को सचिवालय सिंहदरबारमा कार्यरत थिए ।

बोहरा र पन्तसहित सरकारले नेपाल प्रहरीका २६ जना एसएसपीको सरुवा गरेको छ । विहीबार गृहमन्त्री बालकृष्ण खाणले २६ जना एसएसपीको सरुवा गरेका हुन् ।

जसमा उमेशराज जोशीलाई अपराध अनुसन्धान विभागबाट उपत्यका ट्राफिक प्रहरी कार्यालयमा सुरुवा गरिएको छ भने चक्रबहादुर विष्टलाई उपत्यका प्रहरी कार्यालय रानीपोखरीको मानवस्रोत व्यवस्थापन महाशाखाबाट कर्णाली प्रदेश प्रहरी तालिम केन्द्र सुर्खेत पठाइएको छ ।

यस्तै श्यामलाल ज्ञवालीलाई विपद व्यवस्थापन कार्यालय सामाखुसी, बसन्त बहादुर कुँवरलाई अपराध अनुसन्धान कार्यालयमा, चन्द्र कुवेर खापुङलाई अपराध अनुसन्धान विभागमा, नलप्रसाद उपाध्यायलाई केन्द्रीय अनुसन्धान ब्यूरो उपप्रमुख नक्सालमा सुरुवा गरिएको छ ।

भीमप्रसाद ढकालको अन्तराष्ट्रिय विमानस्थल सुरक्षा कार्यालय काठमाडौंमा सरुवा हुँदा राजेशनाथ बास्तोलाको भने राजमार्ग सुरक्षा तथा ट्राफिक व्यवस्थापन महाशाखामा सरुवा भएको छ ।

दुर्गा सिंहको काठमाडौं उपत्यका प्रहरी कार्यालय रानीपोखरी मानवस्रोत व्यवस्थापन महाशाखामा सरुवा भएको छ भने पूजा सिंहलाई गौतमबुद्ध अन्तर्राष्ट्रिय विमानस्थल सुरक्षा कार्यालय भैरहवामा सरुवा गरिएको छ ।

प्रकाशित मिति: शुक्रबार, पुस २३, २०७८ १२:४५

प्रतिक्रिया दिनुहोस्