निजामती कर्मचारी युनियन बाँके अधिबेशन:३६४ ले गरे मतदान

राजनीति

गृहपृष्ठ
राजनीति
निजामती कर्मचारी युनियन बाँके अधिबेशन:३६४ ले गरे मतदान

निजामती कर्मचारी युनियन बाँके अधिबेशन:३६४ ले गरे मतदान

शनिबार, पुस २४, २०७८ बागेश्वरी पोस्ट

नेपालगन्ज । नेपाल निजामती कर्मचारी युनियन बाँके अधिबेशनको मतदान सकिएको छ । आज विहान १० बजेदेखि सुरु भएको मतदान ४ बजे सकिएको हो । जम्मा ४३४ मतदातामा ३६४ मत खसेको छ । मतगणना केहीबेरमा सुरु हुने निर्बाचन कमिटीले जनाएको छ ।

शुक्रबारदेखि सुरु अधिवेशनले १५ सदस्यीय नयाँ कार्यसमिति चयन गर्नेछ । अध्यक्षमा उद्धव श्रेष्ठ र कृष्ण उपाध्याय वीच प्रतिष्पर्धा छ । केही पदहरुमा भने निर्विरोध भइसकेको छ । अधिवेशनले ५ जना केन्द्रीय प्रतिनिधि पनि चयन गर्नेछ । खुला उपाध्यक्षमा पनि दुई जनाको उम्मेदवारी परेको छ । पिताम्बर आचार्य र बेदेश्वर गौतमले उपाध्यक्षमा उम्मेदवारी दिएका छन् ।

एक जना निर्वाचित हुने महिला उपाध्यक्षमा भने दुर्गादेवी गौतमको मात्र उम्मेदवारी परेको छ । उनी निर्विरोध भएकी छिन् । एक जना निर्वाचित हुने समावेशी उपाध्यक्षमा दयाराम चौधरी र सुरेन्द्रकुमार गुप्ताको उम्मेदवारी परेको छ । निर्वाचन अधिकृत भट्टराईका अनुसार एक सचिवका लागि पवन बुढा र लोकेन्द्र चन्दले उम्मेदवारी दर्ता गराएका छन् । एक सहसचिव ९युवा० मा भने काशीराम रिजालको एकल उम्मेदवारी परेकाले उनी निर्विरोध भएका छन् । एक जना निर्वाचित हुने कोषाध्यक्षमा रमेशकुमार रेग्मी र श्यामबहादुर शाहीले उम्मेदवारी दर्ता गराएका छन् ।

यस्तै सदस्यहरुमा जयबीर खत्री, दिपकुमार मल्ल, पवनकुमार भट्ट, प्रकाश पाण्डे, भिवबहादुर ठाडा मगर, राजनकुमार थापा र लोकेन्द्र बुढाको उम्मेदवारी परेको छ । खुला सदस्यमा चार जना निर्वाचित हुने व्यवस्था छ । महिला सदस्यमा कल्पना दुलाल र गिता शाहीको मात्र उम्मेदवारी दर्ता भएपछि उनीहरु निर्विरोध भएका छन् । समावेशी सदस्यमा गोकुल चिडिमार, प्रेमबहादुर शाही र रामकिशुन थारुको उम्मेदवारी दर्ता भएको छ । यसमा दुई जना निर्वाचित हुन्छन् ।

३ जना निर्वाचित हुने महाधिवेशन प्रतिनिधि खुलामा किरण डाँगी, देवेन्द्रकुमार केसी, नगेन्द्रबहादुर शाही, नैनबहादुर कार्की, तिलकप्रसाद आचार्य, यमकान्त कँडेल, मुकुन्दराज जिसी र राजेशकुमार सेनको उम्मेदवारी परेको छ । महिला महाधिवेशन प्रतिनिधिमा लक्ष्मी केसीको मात्र उम्मेदवारी पर्दा उनी निर्विरोध भएकी छिन् । एक जना निर्वाचित हुने समावेशी महाधिवेशन प्रतिनिधिमा पनि जयन्द्र पाण्डे निर्विरोध भएका छन् ।

प्रकाशित मिति: शनिबार, पुस २४, २०७८ १६:२२

प्रतिक्रिया दिनुहोस्