एमाले बाँके अधिवेशनःअध्यक्ष मण्डलको प्रस्तावमा असहमति, अध्यक्षमा गुरुङको पनि उम्मेदवारी

राजनीति

गृहपृष्ठ
राजनीति
एमाले बाँके अधिवेशनःअध्यक्ष मण्डलको प्रस्तावमा असहमति, अध्यक्षमा गुरुङको पनि उम्मेदवारी

एमाले बाँके अधिवेशनःअध्यक्ष मण्डलको प्रस्तावमा असहमति, अध्यक्षमा गुरुङको पनि उम्मेदवारी

शनिबार, पुस २४, २०७८ बागेश्वरी पोस्ट

नेपालगज । नेकपा एमाले बाँकेको जिल्ला अधिवेशन लम्बिएको छ । पुष २३ र २४ गतेका लागि तय भएको अधिवेशनमा सहमति जुट्न नसकेपछि अधिवेशन लम्बिएको हो । शुक्रबार अधिवेशन उद्घाटन भएको थियो । शुक्रबार साँझदेखि शनिवार दिनभर सहमतिका लागि प्रयास भएपनि अझै अन्तिम टुंगो लाग्न सकेको छैन ।

अध्यक्ष मण्डलका अध्यक्ष एवम् केन्दिय सदस्य तथा बाँके जिल्ला इन्चार्ज सूर्य ढकालले प्रस्ताब गरेको नाममा केही आकांक्षीहरुले सहमति नजनाएपछि भोली विहान ९ बजेदेखि निर्वाचन प्रक्रिया शुरु हुने जनाइएको छ । ढकालले जिल्ला अध्यक्षमा किस्मत कुमार कक्षपति, उपाध्यक्षमा डिल्ली विसी, सचिव रत्न खत्री तथा उपसचिवमा दिपक वर्मा र भुमिसरा धितालको नाम प्रस्ताव गरेका छन् । तर, अध्यक्षका आकांक्षी निरक गुरुङ, सचिवका आकांक्षी बलराम भट्टराई लगायत अन्य केही आकांक्षीले पनि नमान्ने अडान लिएपछि सहमति हुन नसकेको हो । उनीहरुले उम्मेदवारी दर्ता गराइसकेका छन् । अध्यक्षमा अशोक कर्माचार्यको पनि उम्मेदवारी परेको छ । सचिवमा भिम वलीको पनि उम्मेदवारी परेको छ । सहसचिवमा पनि अन्यको उम्मेदवारी परेको छ । उपाध्यक्षमा भने विसीको मात्र उम्मेदवारी छ ।

गुरुङ बर्तमान अध्यक्ष हुन् । माधव नेपाललाई छाडेर एमालेमै बसेका उनलाई १० बुँदे अनुसार दुई महिना अघि अध्यक्ष बनाइएको थियो । उनी त्यसअघि उपाध्यक्ष थिए । रातभर फेरि यी नामहरुमै सहमति गर्ने प्रयास गरिने तर सहमति नभए भोली मतदानमा जाने सम्भावना बढेको एमाले स्रोतले जनाएको छ । यद्यपी प्रस्तावित नाममै सहमतिको प्रयास भइरहेको बुझिएको छ । सहमति हुन नसकेका पदहरुमा मतदान गराउने सम्भावना पनि उत्तिकै रहेको बताइएको छ ।

अध्यक्ष मण्डलमा ५ जना केन्द्रिय सदस्य छन् । बाँकेबाट प्रतिनिधित्व गर्ने ढकाल, मोहम्मद हारुन, पशुपतिदयाल मिश्र, शान्ति ढकाल र दिपा शर्मा छन् ।

प्रकाशित मिति: शनिबार, पुस २४, २०७८ १९:२६

प्रतिक्रिया दिनुहोस्