एमाले बाँकेको उपाध्यक्षमा निर्विरोध हुने डिल्ली विसी को हुन् ?

राजनीति

गृहपृष्ठ
राजनीति
एमाले बाँकेको उपाध्यक्षमा निर्विरोध हुने डिल्ली विसी को हुन् ?

एमाले बाँकेको उपाध्यक्षमा निर्विरोध हुने डिल्ली विसी को हुन् ?

आइतबार, पुस २५, २०७८ बागेश्वरी पोस्ट

नेपालगञ्ज । नेकपा एमाले बाँकेको नयाँ नेतृत्व छान्न सकस भइरहँदा पदाधिकारीमा भने एक जना निर्विरोध भइसकेका छन् । अन्य पदहरुमा सहमतिको प्रयास भइरहेको छ । तर, उपाध्यक्षमा भने डिल्ली विसी निर्विरोध भएका छन् ।

उनलाई घननाथ खनालले चुनौती दिँदै उम्मेदवारी दर्ता गराएका थिए । तर, उनको उम्मेदवारी धेरै समय टिकेन । अध्यक्ष मण्डलले प्रस्ताव गरेको नाममा नै सहमति जनाउँदै खनालले उम्मेदवारी फिर्ता लिएपछि विसी निर्विरोध भएका हुन् । पत्रकारिता पृष्ठभूमीका विसीले अध्यक्षमा नै दाबेदारी प्रस्तुत गर्दै आएका थिए । तर, अध्यक्ष मण्डलले उनको नाम उपाध्यक्षमा प्रस्ताव गरेपछि उनले उपाध्यक्षमा उम्मेदवारी दर्ता गराए र निर्विरोध हुने अवसर पाए ।

यसअघिको जिल्ला कार्यसमितिमा सदस्य रहेका विसी जिल्लाको प्रचार संयोजक पनि थिए । लामो समयदेखि पत्रकारिता गरिरहेका विसी प्रेस चौतारी नेपालको केन्द्रिय सल्लाहकार समेत हुन् । उनी पार्टीको केन्द्रिय प्रचार विभाग सदस्य पनि हुन् । नेपालगञ्जमा रेडियो हातेमालो सञ्चालन गरिरहेका विसीले विद्यार्थी राजनीति पनि गरेका थिए ।

अनेरास्ववियुमा आवद्ध भएर राजनीतिक पाइला चालेका विसीको जन्म सल्यानमा भएको हो । जुझारु र स्पष्ट बक्ता उनी सल्यानको अनेरास्ववियु अध्यक्ष पनि भए ।

प्रकाशित मिति: आइतबार, पुस २५, २०७८ १२:५८

प्रतिक्रिया दिनुहोस्