पार्टीमा 'वर्किङ कल्चर'को विकास गरौं : सहमहामन्त्री राठौर

राजनीति

गृहपृष्ठ
राजनीति
पार्टीमा 'वर्किङ कल्चर'को विकास गरौं : सहमहामन्त्री राठौर

पार्टीमा 'वर्किङ कल्चर'को विकास गरौं : सहमहामन्त्री राठौर

'वडा जिताउन नसक्नेका कुरा म सुन्दिनँ'

सोमबार, पुस २६, २०७८ बागेश्वरी पोस्ट

चिसापानी (बाँके) । नेपाली कांग्रेसका सहमहामन्त्री किशोरसिंह राठौरले पार्टीलाई मजबुत बनाउनतर्फ लाग्न आह्वान गरेका छन् । संगठन बनाउने अभियानमा लाग्न उनले आह्वान गरे ।

बैजनाथ गाउँपालिका कांग्रेसले १४औं महाधिवेशनबाट नवनिर्वाचित सहमहामन्त्री र केन्द्रीय सदस्यहरुलाई स्वागत, सम्मान तथा बधाई दिन आयोजना गरेको कार्यक्रममा बोल्दै उनले भने, "जो काम गर्न चाहनुहुन्छ, म अवसर दिन तयार छु," उनले थपे-"अवसरका लागि मरिहत्ते गर्ने तर वैठकमै नआउने प्रवृत्ति आजकै दिनदेखि त्याग्नुस् ।"

पार्टीमा 'वर्किङ कल्चर' (काम गर्ने संस्कार) को विकास हुन जरुरी रहेको राठौरले बताए । "जसले बाँके र बर्दियामा वडा जिताउन सक्दैन, उसका कुरा म सुन्नेवाला छैन," उनले भने-"आजैदेखि आ-आफ्नो वडा जिताउन लाग्नुस्, पार्टीलाई चलायमान बनाउनतर्फ जुट्नुस् ।"

नेपाली कांग्रेसले ल्याएका नीतिका कारण मुलुकमा विकासले गति लिएको भन्दै उनले स्वास्थ्य, शिक्षा, संचार, सहकारी लगायतका नीतिका कारण मुलुकले विकासको कोर्स पकडेको बताए । सहमहामन्त्री राठौरले पूर्वाधार विकास र सामाजिक परिवर्तनका क्षेत्रमा थुप्रै काम कांग्रेसले गरेको बताए ।

No description available.

केन्द्रीय सदस्य मैकुलाल बाल्मिकीले संगठनलाई मजबुत बनाउनतर्फ लाग्न सबै नेता कार्यकर्तालाई आग्रह गरे । उनले कार्यकर्ताहरुलाई हतोत्साही नभएर संगठन निर्माणमा लाग्न आह्वान गरे ।

अर्का केन्द्रीय सदस्य जावेदा खातुन जागाले आउँदै गरेका तीनै तहका निर्वाचनमा कांग्रेसलाई जिताउनुपर्ने दायित्व सबै नेता कार्यकर्ताहरुको काँधमा आएको बताइन् । उनले अब एकतावद्ध भएर अघि बढ्नुपर्नेमा जोड दिइन् । कांग्रेसप्रति जनताको आशा भरोसा बढेको भन्दै उनले कांग्रेस सबैको मन जितेर अघि बढ्ने बताइन् ।

कार्यक्रममा लुम्बिनी प्रदेश सांसद मो. याकुब अन्सारी, संविधानसभा सदस्य बादशाह कुर्मी, आशा विक, बाँके कांग्रेसका पूर्व सभापति तथा राष्ट्रिय सभाका उम्मेदवार युवराज शर्मा, जिल्ला सचिव कपिलदेव शर्मा, क्षेत्र नम्बर ३ का क्षेत्रीय सभापति नक्की खाँ, क्षेत्र नम्बर ३ का महाधिवेशन प्रतिनिधिहरु देव बहादुर खत्री, प्रकाश बहादुर शाही र भावना थारुले पनि मन्तव्य ब्यक्त गरेका थिए ।

कार्यक्रमको सभापतित्व बैजनाथ गाउँपालिका सभापति देव बहादुर केसीले गरेका थिए । त्यस क्रममा विभिन्न पार्टी परित्याग गरी ठूलो संख्यामा नेता कार्यकर्ता कांग्रेसमा प्रवेश गरेका थिए ।

प्रकाशित मिति: सोमबार, पुस २६, २०७८ १७:३५

प्रतिक्रिया दिनुहोस्