बर्दियाको राजापुरमा कांग्रेसको प्रशिक्षण कार्यक्रम

राजनीति

गृहपृष्ठ
राजनीति
बर्दियाको राजापुरमा कांग्रेसको प्रशिक्षण कार्यक्रम

बर्दियाको राजापुरमा कांग्रेसको प्रशिक्षण कार्यक्रम

बुधबार, पुस २८, २०७८ बागेश्वरी पोस्ट

बर्दिया । बर्दियाको राजापुरमा नेपाली कांग्रेसले प्रशिक्षण कार्यक्रम गरेको छ । राजापुर नगरपालिका वडा नम्बर ५ कार्यसमितिको आयोजनामा मंगलबार प्रशिक्षण कार्यक्रम सम्पन्न भएको हो ।

प्रशिक्षण कार्यक्रमलाई प्रमुख अतिथि कांग्रेसका केन्द्रीय सहमहामन्त्री किशोरसिंह राठौर, प्रमुख प्रशिक्षक लुम्बिनी प्रदेशका सांसद शंकर गिरी, बर्दिया जिल्ला सभापति अरुण प्रकाशसिंह राठौर, क्षेत्र नम्बर २ का सभापति दिपकजंग शाह, जिल्ला सचिव मीनराज चौधरीले सम्बोधन गरेका थिए ।

No description available.

पूर्व वडा सभापति कृष्णगोपाल चौधरीको स्वागत मन्तब्यबाट शुरु भएको कार्यक्रमको सभापतित्व वडा सभापति मदनकुमार चौधरीले गरेका थिए । प्रशिक्षण कार्यक्रमको सञ्चालन क्षेत्र नम्बर २ का सहसचिव धनीराम गिरीले गरेका थिए । उक्त कार्यक्रममा माओवादी परित्याग गरी ९० जना नेपाली कांग्रेसका प्रवेश गरेको गिरीले बताए ।

त्यस क्रममा नेपाली कांग्रेसका क्रियाशील सदस्य सुरजलाल चौधरी ब्रेन ह्यामरेजका कारण प्यारालाइसिस भएर औषधि गराइरहेकाले उनलाई आर्थिक सहयोगको रुपमा ७० हजार रुपैयाँ औषधि उपचारका लागि सहयोग गरिएको थियो । उक्त रकम सहमहामन्त्री राठौरले हस्तान्तरण गरेका थिए ।

प्रकाशित मिति: बुधबार, पुस २८, २०७८ १०:५३

प्रतिक्रिया दिनुहोस्