औषधि व्यवस्था विभागमा रमिता: दुई जनाको महानिर्देशकमा हाजिरी

राजनीति

गृहपृष्ठ
राजनीति
औषधि व्यवस्था विभागमा रमिता: दुई जनाको महानिर्देशकमा हाजिरी

औषधि व्यवस्था विभागमा रमिता: दुई जनाको महानिर्देशकमा हाजिरी

सोमबार, माघ ३, २०७८ बागेश्वरी पोस्ट

नेपालगन्ज । कोरोना भाइरसको तेस्रो लहर चलिरहँदा मुलुकभर औषधि व्यवस्थापनको जिम्मेवारी लिएको औषधि व्यवस्था विभाग भने रमिते अवस्थामा छ । अहिले विभागमा दुई जना व्यक्तिले आफू प्रमुख भएको दाबी गरेका छन् । दुई जनाको पद एउटै छ । अर्थात् दुवै जनाले आफू विभागको महानिर्देशक भएको दाबी गर्छन्। दुवै जना विभागमा आउँछन् । हाजिरी गर्छन् । जान्छन् ।

अन्य कर्मचारीहरु भने हेरेको हेर्यै छन् । स्वास्थ्य तथा जनसंख्या मन्त्रालयले नै यस्तो रमिते सिर्जना गरेको हो । यसको व्यवस्थापन गर्न मन्त्रालयले चासो देखाएको छैन । विभागमा अहिले नारायण ढकाल र भरत भट्टराई दुवैले आफू विभागको महानिर्देशक भएको दाबी गर्दै आएका छन् । दुवैै जना दिनहुँजसो विभागमा जाने गर्छन् र हाजिरी गर्छन् ।

ढकाल आफूमाथि अन्याय परेको बताउँछन् । अर्का महानिर्देशक भट्टराई भने मन्त्रालयले आफूलाई विभागको महानिर्देशकमा खटाएको भन्दै वास्तविक महानिर्देशक आफू भएको दाबी गर्छन् ।

अब ४ महिना पहिलेतर्फ जाऔं । भदौ १७ गते मन्त्रालयले ढकाललाई विभागको महानिर्देशक पदमा सरुवा गर्यो । विभाग मातहतकै राष्ट्रिय प्रयोगशालामा भट्टराइलाई पठायो । भट्टराईभन्दा ढकाल वरिष्ठ मानिन्छन् । २ महिनाअघि भट्टराई ११ औं तहमा बढुवा भए ।

११ औं तहमा बढुवा भए पनि भट्टराई भन्दा ढकाल वरिष्ठ मानिन्छन् । मन्त्रालयले यही पुस २७ गते भट्टराइलाई विभागको महानिर्देशक र ढकाललाई विभागको मातहतमा रहेको राष्ट्रिय औषधि प्रयोग शालाको प्रमुख पदमा सरुवा गर्यो ।यसमा ढकाल पक्षको दुई वटा तर्क छ, पहिलो तर्क हो, ४ महिनामै विभागबाट अन्य कार्यालयमा सरुवा गर्नु अन्याय हो । दोश्रो तर्क हो आफूभन्दा कनिष्ठ कर्मचारीलाई आफूभन्दा माथि राखेर कनिष्टको मातहतमा सरुवा गरियो भन्ने तर्क छ ।

विभागको मातहतमा प्रयोगशाला भएको प्रयोगशाला प्रमुख विभाग मातहतमा रहने ढकाल पक्षको तर्क छ । निजामती सेवा ऐनमा कनिष्ट कर्मचारीको मातहतमा वरिष्ठ राख्न नपाउने ब्यवस्था गरिएको छ । यही तर्क ढकाल पक्षले गरेको छ ।

यता भट्टराई पक्षको तर्क छ, सरकारले जहाँ खटाएको ठाउँमा जानु पर्छ । सरकारले खटाएको ठाउँमा हाजिरी गर्न नगई ढकालले मन्त्रालयको निर्देशन उल्लंघन भट्टराई पक्षको आरोप छ ।

भट्टराईलाई बस्ने कोठा उपलब्ध गराइएको छैन । अहिले उनी विभागमा गइ हाजिरी गर्न र दिउँसोभर प्रयोगशालामा गइ बस्ने गर्छन् । ढकालले भने महानिर्देशकको कोठा छाडेका छैनन्। हाम्राकुराबाट

प्रकाशित मिति: सोमबार, माघ ३, २०७८ ०८:४८

प्रतिक्रिया दिनुहोस्