बाँकेका पत्रकार संगीन शर्मा आक्रमण घटना: पत्रकार महासंघले चाल्यो कदम

समाचार

गृहपृष्ठ
समाचार
बाँकेका पत्रकार संगीन शर्मा आक्रमण घटना: पत्रकार महासंघले चाल्यो कदम

बाँकेका पत्रकार संगीन शर्मा आक्रमण घटना: पत्रकार महासंघले चाल्यो कदम

सोमबार, पुस ७, २०७६ बागेश्वरी पोस्ट

नेपालगन्ज ।नेपाल पत्रकार महासंघ बाँके शाखाले पत्रकार संगीन शर्मा माथी भएको साङ्घातिक आक्रमणको घटना प्रती गम्भीर ध्यानाकर्षण भएको भन्दै बिज्ञप्ति जारी गरेको छ।

पत्रकार महासंंघ बाँकेले सचिब तिलक गाउँलेको संयोजकत्वमा एक छानबिन समिती गठन गरेको छ । सोमबार महासंघको तर्फबाट शाखा सचिब तिलक गाउँलेद्वारा हस्ताक्षरित जारी प्रेस बिज्ञप्तिमा भनिएको छ , ‘नेपाल पत्रकार महासंघ बाँके शाखाका कार्यसमिति सदस्य संगिन शर्मामाथी बाँकेको कोहलपुरमा भएको साँघातिक आक्रमण प्रति नेपाल पत्रकार महासंघ बाँके शाखाको गम्भिर ध्यानाकर्षण भएको छ । पत्रकार शर्मा माथी आक्रमण गर्नेहरुलाई तत्काल पक्राउ गरी कानुनी कारवाही गर्न र पीडित पत्रकारलाई न्याय दिलाउन बाँके शाखा संबन्धित सबै पक्षसंग अपिल गर्दछ ।

दिनदहाडै भएको आक्रमणले जिल्लामा रहेका आम पत्रकारहरु कोही पनि सुरक्षित छैनन् भन्ने हाम्रो ठहर छ ।’ बिज्ञप्तिमा अगाडी भनिएको छ, ‘घटनाको बास्तबिकता पहिचान गर्नका लागी शाखाका तर्फबाट संगठन बिभाग प्रमुख तिलक गाउँलेको संयोजकत्वमा छानबिन समिति गठन गरिएको छ । समितिले घटनामा संलग्न रहेका भनिएका नेपाल पत्रकार महासंघका साधारण सदस्य पुजन बिश्वकर्मा, घटनाका प्रत्यक्षदर्शी, र पीडित संग जानकारी लिई दुई दिनभित्र सत्य तथ्य जानकारी लिई प्रतिबेदन पेश गर्ने निर्णय गरिएको छ ।’

महासंघले उक्त घटनमा बिभिन्न तह र तप्काबाट राजनैतिक रंग भर्न खोजिएकोले यस तर्फ सचेत रहन सबै सञ्चारकर्मीमा नेपाल पत्रकार महासंघ बाँके शाखा हार्दीक अपिल गर्दछ भनेर उल्लेख समेत गरेको छ ।

प्रकाशित मिति: सोमबार, पुस ७, २०७६ २०:३०

प्रतिक्रिया दिनुहोस्