रेडक्रस लुम्बिनीले दियो लुम्बिनी अस्पताललाई भेन्टिलेटर

समाचार

गृहपृष्ठ
समाचार
रेडक्रस लुम्बिनीले दियो लुम्बिनी अस्पताललाई भेन्टिलेटर

रेडक्रस लुम्बिनीले दियो लुम्बिनी अस्पताललाई भेन्टिलेटर

बिहीबार, माघ ६, २०७८ बागेश्वरी पोस्ट

नेपालगञ्ज । नेपाल रेडक्रस सोसाइटी लुम्बिनी प्रदेशले लुम्बिनी प्रादेशिक अस्पताल बुटवललाई एक थान भेन्टिलेटरसहित त्यसमा प्रयोग हुने उपकरणहरु प्रदान गरेको छ ।

नेपाल रेडक्रस सोसाइटीले उपलब्ध गराएको एक थान भेन्टिलेटरसहित एक थान स्पेयर पार्ट, ८० थान भेन्टिलेटर एसेशोरिज फर एडल्ट र १० थान एसेशोरिज फर चाइल्ड उपलब्ध गराएको हो । ती सामग्री नेपाल रेडक्रस सोसाइटी लुम्बिनी प्रदेशका महासचिव कृष्ण पंगेनीले लुम्बिनी प्रादेशिक अस्पताल बुटवलका मेडिकल सुपरिटेण्डेन्ट डा. इन्द्र ढकाललाई हस्तान्तरण गरेका हुन् ।

सामग्री प्रदान गर्दै महासचिव पंगेनीले कोरोना महामारीसंग जुध्नको लागि रेडक्रसले यसअघि पनि आवश्यक सामग्री प्रदान गरेको बताए । उनले कोभिडको तेस्रो भेरियन्टको संक्रमण बढेसंगै अस्पतालमा आउने बिरामीलाई उपचारमा सहज होस् भन्ने उद्देश्ले अहिले भेन्टिलेटर मेसिन प्रदान गरिएको बताए ।

सामग्री ग्रहण गर्दै अस्पतालका मेसु डा. ढकालले रेडक्रसले विगतदेखि नै अस्पतालमा निरन्तररुपमा उपचारमा प्रयोग हुने उपकरणहरु सहयोग गर्दै आएको बताउँदै रेडक्रसलाई धन्यवाद दिए । उनले आगामी दिनमा पनि यस प्रकारको सहयोग प्राप्त हुने विश्वास व्यक्त गर्दै प्राप्त भएका उपकरणहरुको सही सदुपयोग गरिने पनि प्रतिवद्धता व्यक्त गरे ।

No description available.