बाँकेसहित १६ जिल्लाको कांग्रेस अधिवेशन फेरि स्थगित

राजनीति

गृहपृष्ठ
राजनीति
बाँकेसहित १६ जिल्लाको कांग्रेस अधिवेशन फेरि स्थगित

बाँकेसहित १६ जिल्लाको कांग्रेस अधिवेशन फेरि स्थगित

शुक्रबार, माघ ७, २०७८ बागेश्वरी पोस्ट

नेपालगञ्ज । नेपाली काँग्रेसको १६ जिल्लाको जिल्ला अधिवेशन फेरि स्थगित भएको छ ।

काँग्रेस निर्वाचन समितिले १६ जिल्लाको अधिवेशन कोरोनाका कारण हाललाई स्थगित गरिएको र अवस्था सामान्य बनेपछि नयाँ मिति तोकिने जनाएको छ । यसअघि राष्ट्रियसभा सदस्य निर्वाचनको कारण देखाउँदै स्थगित गरिएको अधिवेशन फेरि कोरोनाका कारण स्थगित गरिएको हो ।

१४औं महाधिवेशन अघि नै गर्नुपर्ने बाँके, कैलाली, अछाम, बारा, पर्सा, रौतहट, सर्लाही, महोत्तरी, धनुषा, सिरहा, सप्तरी, सिन्धुली, मकवानपुर, सिन्धुपाल्चोक, चितवन र नवलपुर जिल्लाको अधिवेशन हुन सकेको छैन ।

कोभिडको अवस्था सामान्य बनेपछि यी जिल्लाहरुमा तत्काल अधिवेशन गरिने निर्वाचन समितिले जनाएको छ ।