बाँकेको जनसंख्या ६ लाख नाघ्यो, बृद्धिदर १.९७ प्रतिशत

समाचार

गृहपृष्ठ
समाचार
बाँकेको जनसंख्या ६ लाख नाघ्यो, बृद्धिदर १.९७ प्रतिशत

बाँकेको जनसंख्या ६ लाख नाघ्यो, बृद्धिदर १.९७ प्रतिशत

बिहीबार, माघ १३, २०७८ बागेश्वरी पोस्ट

नेपालगञ्ज । बाँके जिल्लाको जनसंख्या ६ लाख नाघेको छ । बाँके बढी जनसंख्या बृद्धिदर भएका शीर्ष पाँच जिल्लाभित्र परेको छ । भक्तपुर, रुपन्देही र चितवनपछि चौथो नम्बरमा बाँके छ । त्यसपछि पाँचौंमा सुनसरी छ ।

२०६८ मा बाँकेको जनसंख्या ४ लाख ९१ हजार ३ सय १३ रहेकोमा १० बर्षपछि बढेर ६ लाख ३ हजार ३ सय ९३ पुगेको हो । यो बार्षिक वृद्धिदर १.९७ प्रतिशत हो । बाँकेमा महिलाको जनसंख्या ३ लाख ८ हजार २ सय ८१ र पुरुषको जनसंख्या २ लाख ९५ हजार १ सय १२ रहेको छ । बाँकेमा कुल १ लाख १० हजार १ सय ३५ घरधुरी रहेको छ ।

बाँकेका तीन वटा गाउँपालिका मुलुककै बढी जनसंख्या भएका पालिकाका रुपमा दर्ज भएका छन् । बैजनाथ, राप्तीसोनारी र खजुरा मुलुककै शीर्ष तीन गाउँपालिका हुन्, जहाँ अधिक जनसंख्या रहेको छ । बाँकेका ८ पालिका मध्ये सबैभन्दा बढी नेपालगञ्ज उपमहानगरपालिका र सबैभन्दा कम जनसंख्या भने डुडुवा गाउँपािलकामा रहेको छ ।

केन्द्रिय तथ्यांक विभागले गरेको जनगणना अनुसार नेपालगञ्ज उपमहानगरपालिकाको जनसंख्या १ लाख ६६ हजार २५८ रहेको छ । यस्तै कोहलपुरको १ लाख २ सय ८९, बैजनाथको ७० हजार ३ सय १५, राप्तीसोनारी ६७ हजार ७ सय ८२, खजुराको जनसंख्या ६३ हजार ७ सय ४९, जानकी ४६ हजार ५ सय ३६, नरैनापुर ४३ हजार ६ सय ९८ र डुडुवाको जनसंख्या ४३ हजार ३९ रहेको छ ।

प्रकाशित मिति: बिहीबार, माघ १३, २०७८ ०९:०४

प्रतिक्रिया दिनुहोस्