कार्यसम्पादन समिति गठन गर्न कांग्रेस केन्द्रिय समिति बैठक बस्दै

राजनीति

गृहपृष्ठ
राजनीति
कार्यसम्पादन समिति गठन गर्न कांग्रेस केन्द्रिय समिति बैठक बस्दै

कार्यसम्पादन समिति गठन गर्न कांग्रेस केन्द्रिय समिति बैठक बस्दै

शुक्रबार, माघ १४, २०७८ बागेश्वरी पोस्ट

नेपालगञ्ज । नेपाली काँग्रेसको केन्द्रीय कार्यसमितिको बैठक आज बस्दैछ । काँग्रेस केन्द्रीय कार्यालयका मुख्यसचिव कृष्णप्रसाद पौडेलका अनुसार दिउँसो ३ बजे भर्चुअल माध्यमबाट बैठक बस्न लागेको हो । आजको बैठकको कार्यसम्पादन समिति गठनको एक मात्र एजेण्डा छ ।

सभापति, उपसभापति, महामन्त्री, कोषाध्यक्ष र सहमहामन्त्री, ३१ जना सदस्य, प्रवक्ता, संसदीय दलको नेता कार्यसम्पादन समितिको पदेन सदस्य हुनेछन् । अहिले काँग्रेसमा १३ जना पदाधिकारी छन् । कोषाध्यक्ष र प्रवक्ता मनोनित गर्न बाँकी छ । यस्तै संसदीय दलको नेता सभापति देउवा नै भएकाले काँग्रेसको केन्द्रीय कार्यसम्पादन समिति ४६ सदस्यीय हुनेछ । सभापति देउवाले केही सदस्य पछि थप्ने गरी आज कार्यसम्पादन समिति गठन गर्न लागेको हुन् ।

यो समितिको बैठक प्रत्येक महिनामा एकपटक बस्नुपर्ने विधानमा व्यवस्था छ । तर, कार्यसम्पादन समितिलाई नीतिगत निर्णय गर्ने अधिकार भने छैन । कार्यसम्पादन समितिले गरेका निर्णयहरू लगत्तै बस्ने कार्यसमिति बैठकबाट अनुमोदन भने हुनुपर्छ । बैठकको कार्यसूची तय नभए पनि स्थानीय तहको निर्वाचनबारे पनि छलफल हुने नेताहरुले बताएका छन् ।

प्रकाशित मिति: शुक्रबार, माघ १४, २०७८ ०९:१५

प्रतिक्रिया दिनुहोस्