देशभर ४९०४ जनामा कोरोना पुष्टि, ५९२४ संक्रमितमुक्त

समाचार

शनिबार, माघ १५, २०७८ बागेश्वरी पोस्ट

नेपालगञ्ज । नेपालमा पछिल्लो २४ घण्टामा थप ४ हजार ९०४ जनामा कोरोना पोजेटिभ पुष्टि भएको छ ।

स्वास्थ्य तथा जनसंख्या मन्त्रालयका अनुसार पछिल्लो २४ घन्टामा गरेको १४ हजार ५ सय ६२ जनाको परीक्षणबाट उक्त संख्यामा संक्रमित फेला परेका हुन् ।

मन्त्रालयका अनुसार ३३१८ पिसिआर परीक्षणबाट र १५८६ एन्टिजेन परीक्षणबाट संक्रमण पुष्टि भएको हो ।

पछिल्लो २४ घण्टामा ५९२४ जना कोरोना संक्रमित निको भएका छन् । यस्तै सोही अवधिमा ६ जना कोरोना संक्रमितले ज्यान गुमाएका छन् ।

हाल देशभर ८७ हजार ३२९ जना कोरोनाका सक्रिय संक्रमित छन् ।

प्रकाशित मिति: शनिबार, माघ १५, २०७८ १६:५९

प्रतिक्रिया दिनुहोस्