मोटरसाइकल दुर्घटनामा एक जनाको मृत्यु

समाचार

गृहपृष्ठ
समाचार
मोटरसाइकल दुर्घटनामा एक जनाको मृत्यु

मोटरसाइकल दुर्घटनामा एक जनाको मृत्यु

आइतबार, माघ १६, २०७८ बागेश्वरी पोस्ट

नेपालगन्ज । मोटरसाइकल दुर्घटना हुँदा एक जनाको मृत्यु भएको छ ।

प्युठानको माण्डवी गाउँपालिका ३ लामाचौरमा रा ५ प ६८८६ नम्बरको मोटरसाइकल आज दिउँसो दुर्घटना हुँदा मोटरसाइकलको पछाडि बसेका स्थानीय १८ वर्षिया किरण खनालको मृत्यू भएको जिल्ला प्रहरी कार्यालय प्युठानले जानकारी दिएको छ । खनालको जिल्ला अस्पताल बिजुवारमा उपचारका क्रममा मृत्यु भएको हो ।

दाङको भालुबाङबाट रोल्पातर्फ जाँदै गरेको ना ४ ख ३९९६ नम्बरको यात्रुबाहक बससंग साँघुरो बाटोमा जम्काभेट भएपछि नियन्त्रण गर्न नसक्दा मोटरसाइकल नालीमा परेर दुर्घटना भएको स्थानीयले बताए ।

बस र मोटरसाइकल चालकलाई नियन्त्रणमा लिइएको प्रहरीले बताएको छ । मृतकका आफन्तले क्षतिपूर्तिको माग गर्दै जस्पुर-भिङ्री सडकखण्डमा यातायात संचालन गर्न दिएका छैनन् ।

प्रकाशित मिति: आइतबार, माघ १६, २०७८ १६:३५

प्रतिक्रिया दिनुहोस्