बर्दियामा टिप्परको ठक्करबाट दुई जनाको मृत्यु

समाचार

गृहपृष्ठ
समाचार
बर्दियामा टिप्परको ठक्करबाट दुई जनाको मृत्यु

बर्दियामा टिप्परको ठक्करबाट दुई जनाको मृत्यु

मंगलबार, माघ १८, २०७८ बागेश्वरी पोस्ट

बर्दिया । बर्दियामा टिप्परको ठक्करबाट दुई जनाको मृत्यु भएको छ । बढैयाताल गाँउपालिका–३ सतपतियामा टिप्परको ठक्करबाट दुई जनाको मृत्यु भएको छ भने तीन जना गम्भीर घाइते भएका छन् ।

सोमबार राती ८ बजे घर अगाडि आगो तापिरहेका ५ जनालाई भे १ क १४९५ नम्बरको टिप्परले अनियन्त्रित भई ठक्कर दिएको थियो ।

टिप्परको ठक्करबाट स्थानीय ४५ वर्षीय सोम बहादुर विकको घटनास्थलमै र रामु थारुको नेपालगञ्ज मेडिकल कलेजमा उपचारको क्रममा गएराति मृत्यु भएको इलाका प्रहरी कार्यालय मैनापोखरले जनाएको छ ।

दुर्घटनामा घाइते भएका ३५ वर्षीया प्रमिला चौधरी, ४० वर्षिया चमेलिया थारु र सुर्खेतको वीरेन्द्रनगर नगरपालिका ११ का १९ वर्षीय लक्ष्मण सुनारको नेपालगञ्जमा उपचार भइरहेको छ । टिप्पर चालकलाई नियन्त्रणमा लिइएको प्रहरीले जनाएको छ ।

प्रकाशित मिति: मंगलबार, माघ १८, २०७८ १०:५५

प्रतिक्रिया दिनुहोस्