बाँकेमा सशस्त्र प्रहरी तस्करविरुद्ध धावा बोल्दै, धमाधम बरामद हुँदै अवैध सामग्री

समाचार

गृहपृष्ठ
समाचार
बाँकेमा सशस्त्र प्रहरी तस्करविरुद्ध धावा बोल्दै, धमाधम बरामद हुँदै अवैध सामग्री

बाँकेमा सशस्त्र प्रहरी तस्करविरुद्ध धावा बोल्दै, धमाधम बरामद हुँदै अवैध सामग्री

मंगलबार, माघ १८, २०७८ बागेश्वरी पोस्ट

नेपालगञ्ज । सशस्त्र प्रहरीको टोलीले नेपालगञ्जबाट लाखौं रुपैयाँ बराबरका अवैध सामग्री बरामद गरेको छ ।

सशस्त्र प्रहरी बल नम्बर ३० गण बागेश्वरी बाँकेबाट खटिएको सशस्त्र प्रहरी टोलीले नेपालगञ्ज १५ पिप्रहवा सीमा नाकाबाट आज बिहान डेढ क्विन्टल माछा र माछा तस्करीमा प्रयोग भएको एउटा भारतीय नम्बर प्लेटको मोटरसाइकल बरामद गरेको छ । बरामद गरिएको ३७ हजार ५ सय रुपैयाँ मूल्य बराबरको माछा क्वारेन्टाइन कार्यालय बुझाई नष्ट गरिएको र ५० हजार रुपैयाँ बराबरको भारतीय नम्बरको मोटरसाइकललाई नेपालगन्ज भन्सार कार्यालय बुझाइएको सशस्त्र प्रहरी उपरीक्षक जनकराज बस्नेतले जानकारी दिएका छन् ।

No description available.

त्यस्तै सशस्त्र प्रहरीले नेपालगञ्ज १६ जयसपुर हुँदै भारतबाट लुकिछिपी ल्याउँदै गरिएका ६० हजार रुपैयाँ बराबरका व्याटी र ७० हजार रुपैयाँ बराबरको एउटा अटो रिक्सा बरामद गरेको छ । उता सशस्त्र प्रहरीले जानकी गाउँपालिका १ बाट डेढ क्विन्टल कुखुरा र कुखुरा तस्करीमा प्रयोग गरिएका ९ वटा साइकल समेत बरामद गरेको सशस्त्र प्रहरी उपरीक्षक बस्नेतले जानकारी दिएका छन् । साइकललाई भोली नेपालगन्ज भन्सार कार्यालय बुझाइने प्रक्रियामा रहेको उपरीक्षक बस्नेतले जानकारी दिएका छन् ।

No description available.

त्यस्तै सशस्त्र प्रहरीको कालाबन्जार बिओपीले भारतबाट ल्याइएका ५४ हजार रुपैयाँ बराबरका अवैध किराना सामग्री बरामद गरी नेपालगञ्ज भन्सार बुझाएको उपरीक्षक बस्नेतले बताए । सशस्त्र प्रहरी उपरीक्षक बस्नेतले बाँकेको कमाण्ड सम्हालेको केही दिनमै तस्करविरुद्ध धावा बोल्दै आएका छन् । त्यसयता सशस्त्र प्रहरीले तस्करविरुद्ध धावा बोल्दै धामाधम अवैध सामग्री बरामद गर्दै आएको छ ।

No description available.