बाँकेको स्काभेटर आगजनी घटनाप्रति तरुण अध्यक्ष शाहको घोर आपत्ति

राजनीति

गृहपृष्ठ
राजनीति
बाँकेको स्काभेटर आगजनी घटनाप्रति तरुण अध्यक्ष शाहको घोर आपत्ति

बाँकेको स्काभेटर आगजनी घटनाप्रति तरुण अध्यक्ष शाहको घोर आपत्ति

बुधबार, माघ १९, २०७८ बागेश्वरी पोस्ट

नेपालगन्ज । बाँकेको राप्तीसोनारी गाउँपालिकामा स्काभेटरमा आगजनी गरिएको घटनाप्रति नेपाल तरुण दल नेपालगन्जका अध्यक्ष सन्दीपजङ्ग शाहले घोर आपत्ति प्रकट गरेका छन् ।

तरुण दल कोहलपुरका उपाध्यक्ष समेत रहेका गौरव रावलको स्काभेटरमा गएराती अज्ञात समूहले आगजनी गरेको घटनाप्रति अध्यक्ष शाहले निन्दा गर्दै घोर भत्सर्ना गरेका छन् ।

कसैले झन्डा गाडेको भरमा आफ्नो सम्पत्ति उपयोग गर्न नपाउनु र अझ आफ्नै सम्पत्तिमा आगजनी गरिनु धेरै दु:खद् कुरा भएको अध्यक्ष शाहले बताएका छन् ।

उपाध्यक्ष रावलको स्काभेटरमा आगजनी गर्ने जो कोही भएपनि तत्काल प्रहरीले कानुनी कठघरामा ल्याउनुपर्ने माग शाहले गरेका छन् । यस्तो आतंककारी शैलीमा गरेको घिनलाग्दो कार्यमा संलग्न जति ठूलो व्यक्ति भएपनि कारवाही हुनुपर्ने अध्यक्ष शाहको माग रहेको छ ।

लूटेर खान छोडेर इज्जतका साथ कमाएर खान त्यस्ता समाजका धब्बाहरुलाई शाहले चेतावनी दिएका छन् ।

उपाध्यक्ष रावलको भे १ प ११११ नम्बरको स्काभेटरलाई राप्तीसोनारी गाउँपालिका वडा नम्बर २ मसुरी बगरको लामाचौरमा गएराती पौने १० बजे अज्ञात समूहले आगजनी गरेको थियो ।

प्रकाशित मिति: बुधबार, माघ १९, २०७८ १८:४७

प्रतिक्रिया दिनुहोस्