स्काभेटर आगजनी घटनाका दोषीलाई तत्काल पक्राउ गर्न कांग्रेसको माग

समाचार

गृहपृष्ठ
समाचार
स्काभेटर आगजनी घटनाका दोषीलाई तत्काल पक्राउ गर्न कांग्रेसको माग

स्काभेटर आगजनी घटनाका दोषीलाई तत्काल पक्राउ गर्न कांग्रेसको माग

बाँके प्रशासनलाई ज्ञापनपत्र बुझाइयो

आइतबार, माघ २३, २०७८ बागेश्वरी पोस्ट

नेपालगञ्ज । बाँकेको राप्तीसोनोरी गाउँपालिकाका वडा नम्बर २ स्थित मसुरीबगरको लामाचौरमा गौरब रावलको स्काभेटरमा आगजनी गर्नेलाई तत्काल पक्राउ गरी कारवाही गर्न नेपाली कांग्रेसले बाँके प्रशासनको गम्भीर ध्यानाकर्षण गराएको छ ।

प्रमुख जिल्ला अधिकारी सूर्य बहादुर खत्रीलाई ज्ञापनपत्र बुझाउँदै कांग्रेसले घटनालाई गम्भीररुपमा नलिई दोषी पत्ता लगाउनतर्फ नलागे आन्दोलनमा उत्रने चेतावनी समेत दिएको छ । नेपाली कांग्रेस बाँके क्षेत्र नम्बर १ क्षेत्रीय कार्यसमिति, प्रदेशसभा (क) र (ख) तथा कोहलपुर नगर कार्यसमितिले संयुक्त ज्ञापनपत्र बुझाउँदै दोषीमाथि कडा कारवाहीको माग गरेका छन् ।

No description available.

क्षेत्र नम्बर १ का क्षेत्रीय सभापति पोषण केसी, १ (ख) का सभापति बलराम शर्मा, १ (क) का सभापति लक्ष्मण थारु र कोहलपुर नगर सभापति विरेन्द्र कुमार शाहद्वारा हस्ताक्षरित ज्ञापनपत्र आज प्रमुख जिल्ला अधिकारीलाई बुझाइएको हो ।

ज्ञापनपत्रमा घटनालाई सुक्ष्म तरिकाले अनुसन्धान गरी यथाशिघ्र दोषी पत्ता लगाई कानुन बमोजम कारवाही, पीडित रावललाई तत्काल क्षतीपूर्ति र लामाचौरमा काम पुनः सुचारु गर्न सुरक्षा व्यवस्था मिलाउनुपर्ने माग गरिएको छ ।

"निशान विल्डर्सले नियम कानुनभित्र रहेर राजश्व रकम तिरी भण्डारण गरेर कार्यपालिकाबाट स्टक प्रमाणित समेत गरी राखेको नदीजन्य पदार्थलाई नियमानुसार उठाई लैजाने क्रममा राष्ट्रमुखी निर्माण सेवाको पार्किङ गरिराखेको भे. १ क ११११ नम्बरको स्काभेटरलाई माघ १८ गते राती साढे ९ बजे अज्ञात समूहद्वारा आगजनी भएको घटनाप्रति हामी खेद प्रकट गर्दछौं," ज्ञापनपत्रमा भनिएको छ ।

यस्तो क्रियाकलापको निन्दा गर्दै कानुनी राज्यको महसुस दिलाउन प्रशासनको गम्भीर ध्यानाकर्षण गराइएको छ । यो घटनाको चौतर्फी निन्दा र भत्सर्ना भइरहेको छ ।

No description available.