मतदाता नामावली सङ्कलन कार्य स्थगित

राजनीति

गृहपृष्ठ
राजनीति
मतदाता नामावली सङ्कलन कार्य स्थगित

मतदाता नामावली सङ्कलन कार्य स्थगित

मंगलबार, माघ २५, २०७८ बागेश्वरी पोस्ट

नेपालगञ्ज । स्थानीय तहको चुनावको मिति तोकिएसँगै निर्वाचन आयोगले मतदाता नामावली सङ्कलन कार्य स्थगित गरेको छ ।

आजदेखि नामावली सङ्कलन कार्य बन्द गरिएको आयोगले जनाएको छ । निर्वाचन ऐनको दफा ४ को उपदफा २ अनुसार चुनावको मिति घोषणा भइसकेपछि चुनावको प्रयोजनका लागि मतदाता नामावलीमा नाम दर्ता गर्न पाइँदैन ।

आयोगले चुनावलाई लक्षित गरी गएको मंसिर १७ गतेदेखि १९ गतेसम्म गाउँपालिका र नगरपालिकास्तरमै नामावली सङ्कलन गरेको थियो । प्रमुख निर्वाचन आयुक्त दिनेशकुमार थपलियाले आज नै ७७ वटै जिल्ला निर्वाचन कार्यालयलाई हिजोसम्म सङ्कलित मतदाता विवरण तीन दिनभित्र केन्द्रमा पठाउन निर्देशन दिइएको बताए ।

मन्त्रीपरिषद्को हिजोको बैठकले स्थानीय तहको चुनाव २०७९ साल वैशाख ३० गते गर्ने निर्णय गरेको छ ।

प्रकाशित मिति: मंगलबार, माघ २५, २०७८ ०९:१८

प्रतिक्रिया दिनुहोस्